हिवाळ्यात रोगप्रतिकारशक्ती बळकट ठेवायची असेल तर ‘या’ पदार्थांचे सेवन करा.

हिवाळ्यात निरोगी आणि शरीर बळकट ठेवायचे असेल तर मॅग्नेशियमची मात्र असणे गरजेचे आहे. मॅग्नेशियममुळे शरीरातील रोगप्रतिकारक शक्ती वाढण्यास मदत होते. यामुळे कोणत्याही प्रकारचे आजार सहजासहजी दूरच राहतात. त्यामुळे मॅग्नेशियमची मात्र शरीरात वाढवायची असेल तर ‘या’ पदार्थांचे आहारात नक्की सेवन करा.

हिवाळ्यात वातावरणात गारवा असल्याकारणाने संसर्गाचे आजार होण्याची शक्यता असते. अशावेळी शरीर निरोगी ठेवण्यासाठी रोगप्रतिकारशक्ती बळकट ठेवणे गरजेचे असते. शरीरात प्रोटीन, फायबर, मॅग्नेशियम, फॅट्स अशा पोषक घटकांचा समावेश असणे गरजेचे आहे. तुमच्या आहारामध्ये योग्य पोषक घटकांचा समावेश असल्यामुळे संसर्गजनक आजार होत नाहीत. शरीराला मॅग्नेशियम घटकाची गरज असते. या घटकामुळे शरीरातील रोगप्रतिकारशक्ती वाढते. या मॅग्नेशियमची मात्र वाढवण्यासाठी आहारात मॅग्नेशियमयुक्त पदार्थाचा समावेश करणे गरजेचे आहे त्यामुळे हे पदार्थ कोणते आहेत हे जाणून घेण्यासाठी बातमी नक्की वाचा.

बदाम :
हिवाळ्यात शरीरात उष्णतेची कमतरता असते. बदाम खाल्ल्याने शरीरात गरमी वाढते. ज्यामुळे थंड वातावरणात आराम मिळतो. बदामात मॅग्नेशियम खूप चांगल्या प्रमाणात आढळते. तुमचे आरोग्य बळकट राहण्यास मदत करते. बदल खाल्ल्याने त्वचेचे आजार होत नाहीत. बदाम खाल्ल्यामुळे शरीरातील थकवा देखील दूर होण्यास मदत होते आणि तुम्ही दिवसभर उत्साही राहाता.

सोयाबीन :
हिवाळ्यात शरीराला गरम ठेवण्यासाठी सोयाबिन एक उत्तम अन्न आहे. ते उष्णतावर्धक आहे आणि शरीरात गरमी निर्माण करण्यास मदत करते.
सोयाबीनमध्ये भरपूर प्रमाणात प्रेटिन आणि मॅग्नेशियम असतं ज्याचा फायदा आपल्या शरीराला गरजेचा आहे. सोयाबीन कोलेस्ट्रॉल कमी करण्यात मदत करतात आणि हृदयाचे आरोग्य सुधारते.

चिया सिड्स :
चिया सिड्स शरीराला आवश्यक ऊर्जा मिळवून देतात, ज्यामुळे दिवसाच्या सुरुवातीला चांगली ऊर्जा मिळवता येते. चिया सीड्समुळे वजन घटण्यास मदत होते. चिया सीड्समध्ये पोषक असे प्रेटिन आणि मॅग्नेशियमचे घटक असतात ज्याचा फायदा शरीराला महत्वाचा आहे. चिया सिड्स ग्लायसेमिक इंडेक्स कमी असलेले अन्न आहे, त्यामुळे रक्तातील साखरेच्या पातळीस नियंत्रित ठेवते आणि मधुमेहासाठी उपयुक्त ठरते.