चालायचा कंटाळा आला किंवा वेळेची कमतरता असली तरी पायऱ्या चढण्याचे फायदे आपल्या शारीरिक आणि मानसिक आरोग्यासाठी अत्यंत लाभकारी ठरू शकतात. पायऱ्या चढणे हे एक प्रभावी आणि सुलभ व्यायाम आहे, जो अनेक आरोग्यदायक फायदे देतो. चला तर मग, पायऱ्या चढण्याचे काही महत्त्वाचे फायदे जाणून घेऊयात.
दररोज १० हजार पावलं चालणं आपल्या आरोग्यासाठी चांगलं मानलं जात, एका रिसर्चमध्ये असा दावा करण्यात आला आहे की, पायऱ्या चढण हा एक प्रभावी आणि वेगवान पर्याय असू शकतो. पायऱ्या चढण्याने हृदयाच्या धडधडीला उत्तेजन मिळते, आणि हृदयाच्या रक्ताभिसरणाची क्षमता सुधारते. हृदयविकार टाळण्यासाठी मदत करते, कारण पायऱ्या चढण्याने हृदयरोगांच्या जोखीम कमी होतात. पायऱ्या चढणे हा एक उत्तम कार्डिओ व्यायाम आहे. यामुळे कॅलरी जास्तीने बर्न होतात. रोज काही मिनिटे पायऱ्या चढण्यामुळे वजन कमी करण्यास मदत होऊ शकते.पायऱ्या चढल्याने पाय, घोटे, मांडी आणि मांसपेशी मजबूत होतात. पायांच्या सुदृढतेसाठी आणि सहनशक्तीसाठी महत्त्वाचे आहे. पायऱ्या चढण्यामुळे शरीराची चयापचय क्रिया (metabolism) सुधारते. हे पचनास मदत करते आणि गॅस, बध्दकोष्ठता यासारख्या समस्यांवर नियंत्रण ठेवू शकते. नियमित पायऱ्या चढणे हाडांची ताकद वाढवण्यासाठी आणि हाडांच्या घनतेला सुधारण्यासाठी मदत करते. त्यामुळे ऑस्टियोपोरोसिस सारख्या समस्यांचे धोके कमी होतात.शारीरिक व्यायामाने शरीरात एंडोर्फिन (आनंद हार्मोन) उत्सर्जित होतो, जो मानसिक ताण कमी करतो. त्यामुळे मन प्रसन्न राहते आणि ताण-मुक्त होण्यास मदत होते. एका जागी बसलेल्या किंवा कमी हालचालींमुळे होणाऱ्या वजनवाढीला थांबवण्यास मदत करू शकते. हा व्यायाम वजन नियंत्रणास मदत करतो.
पायऱ्या चढण्याचे फायदे
> हृदयाचं आरोग्य सुधारत
> वजन कमी करण्यास मदत होते.
> स्नायूंची ताकद वाढते.
> कॅलरीज लवकर बर्न होतात.
हे ही वाचा:
MNS बद्दल विचारताच आदित्य ठाकरेंनी साधला राज ठाकरेंवर निशाणा !, म्हणाले,…
