महारष्ट्रात विविध ठिकाणी झालेल्या तीन अपघाताने अनेकांवर काळाने घाला घातला. एक अपघात प्रयागराजच्या दिशेने जाणाऱ्या मुंबईतील नागरिकांचा अमरावतीत समृद्धीवर अपघात झाला. यात ६ जण गंभीर जखमी झाले. तर दुसरा अपघात हा रत्नागिरी- नागपूर मार्गावर भोसे जवळ चारचाकी आणि दुचाकींचा मध्यरात्री जोरदार अपघात झाला. यात दुचाकीस्वार तिघांचा मृत्यू झाला. तर तिसरा अपघात गोंदिया जिल्ह्यातील सडक-अर्जुनी भरधाव वेगात येत असलेला तृक समोरच्या ट्रेकला धडकून झाला. यात चालक व वाहक ठार झाले. या अपघातांमुळे हळहळ व्यक्त होत आहे.
प्रयागराजला जाणाऱ्यांचा समृद्धीवर अपघात
मुंबईतील नागरिक प्रयागराजला जात असतांना अमरावती समृद्धी मार्गावर अपघात झाला. यामध्ये ६ प्रवासी गंभीर जखमी झाले. अमरावती जिल्ह्यातील धामणगाव रेल्वे तालुक्यातील चॅनेल नंबर ११४ जवळ हा अपघात झाला. जखमींना उपचारांसाठी तातडीने धामणगाव ग्रामीण रुग्णालयात आणण्यात आले आहे. धामणगाव ग्रामीण रुग्णालयात प्राथमिक उपचार करून अमरावती रेफेर करण्यात येणार असल्याची माहिती समोर आली आहे.
कार-बाईकची जोरदार धडक
रत्नागिरी – नागपूर मार्गावर भोसे गावाजवळ चारचाकी आणि दुचाकी गाडी मध्ये मध्यरात्री जोरदार अपघात झाला. त्यामध्ये दुचाकीस्वार असलेले नवरा बायको आणि एक वर्षाच्या मुलाचा समावेश आहे. मिळालेल्या माहितीनुसार, मयत हे धाराशिव जिल्ह्यातील कळंब तालुक्यातील ऊस तोड कामगार होते. ऊसतोड हंगाम संपल्याने हे जोडपं लहान मुलासह दुचाकीवरून परत गावी जात असताना मध्यरात्री भोसे गावाजवळ हा अपघात झाला.
ट्रकचा भीषण अपघात..
गोंदिया जिल्ह्यातील सडक-अर्जुनी येथील मासुलकसा घाट जवळ जोरदार अपघात घडला. भरधाव वेगात येत असेलेले ट्रक समोरच्या ट्रकला धडकला. या अपघातात चालक आणि वाहक ठार झाले आहे. मिळालेल्या माहिती नुसार चालक सजीत खान (३०) व वाहक सादाब खान (२८) अशी मृतांचे नावे आहेत. मुंबई-कोलकाता राष्ट्रीय महामार्ग क्रमांक 6 (53) येथे उड्डाणपुलाचे काम सुरू असून मसुलकसा घाटातही काम सुरू असल्याने एकेरी वाहतूक सुरू आहे. तेव्हा नागपूरकडून रायपूरकडे जात असलेल्या ट्रक क्रमांक CG 04 JD 8049 च्या चालकाने अचानक ‘ब्रेक’ मारला. अशात मागे भरधाव वेगात येत असलेला ट्रक क्रमांक RJ 14 GH 1889 त्यावर जाऊन धडकला. ही धडक एवढी जोरदार होती की ट्रकचालक साजिद खान व वाहक सादाब खान हे दोघे ठार झाले. उड्डाणपुलाचे काम सुरू असल्यापासून कोहमारा ते देवरीदरम्यान आतापर्यंत अनेक अपघात झाले आहेत. या अपघातांना जबाबदार कोण? असा सवाल नागरिक करत आहेत.
Narendra Modi : RSS मुळे माझा मराठीशी संबंध म्हणत, नरेंद्र मोदींनी केला मराठी भाषेचं कौतुक
Follow Us
