लाचखोर वनक्षेत्रपालाच्या घराची झडती; 57 तोळं सोनं अन् 1 कोटी 31 लाखांची कॅश

मंगळवारी एका वनपरिक्षेत्र अधिकाऱ्याला लाचलुचपत विभागाने २० लाख रुपयांच्या लाचप्रकारणी रंगेहात पकडले होते. लाचलुचपत प्रतिबंधक विभागाने सापळा रचून आरोपी चंद्रकांत पाटील याला, मंगळवारी दहा लाखांची रक्कम स्वीकारताना रंगेहात पकडले होते. वसई तालुक्यातील सासुनवघर गावातील सात गुंठे जमिनीच्या प्रकरणात २० लाख रुपयांच्या लाचेची मागणी केल्याप्रकरणी वनपरिक्षेत्र अधिकारी संदीप चौरे आणि अन्य दोघांविरोधात मांडावी पोलीस ठाण्यात गुन्हा दाखल करण्यात आला आहे. यावेळी चौकशीदरम्यान चौरे यांचा मुख्य सहभाग समोर आला होता. त्यामुळे चौरे, पाटील आणि एका अनोळखी इसमाविरोधात मांडवी पोलीस ठाण्यात भ्रष्टाचार प्रतिबंधीत कायदा सन 2018 चे कलम 7 आणि 12 प्रमाणे गुन्हा दाखल केला आहे. अद्याप या प्रकरणी कुणालाही अटक करण्यात आलेली नाही आहे.

रात्री वनपरिक्षेत्र अधिकारी संदीप चौरे यांच्या घराची झडती घेतली. यावेळी लाचलुचपत विभागाला चौरे यांच्या घरी ५७ तोळे सोने आणि तब्बल १ कोटी ३१ लाख रुपयांची रोख रक्कम आढळून आली आहे. या जप्तीमुळे चौरे यांच्या मालमत्तेचा तपशील अधिक वाढण्याची शक्यता व्यक्त केली जात आहे. सध्या पालघर लाचलुचपत विभाग या प्रकरणाचा अधिक तपास करत असून, चौरे आणि अन्य आरोपींच्या मालमत्तेची पडताळणी केली जात आहे. वनविभागातील अधिकाऱ्यांचा या प्रकरणातील सहभाग लक्षात घेता, वसई विरार मधील अधीकतर वन क्षेञ हे चाळ माफियांच्या घशात कशा प्रकारे गेले असतील हे समोर आलं आहे. चार वर्षापूर्वी ही वसईच्या रेंज ऑफीस कार्यालयात अधिकारी दिलीप तोंडे यांना ही 10 लाखाची लाच प्रकरणी लाचलुचपत विभागाने अटक केली होती.

२००५ मध्ये वनविभागाने ताब्यात घेतल्याने सात गुंठे जमिनीचा ताबा परत मिळवून देण्यासाठी आणि वरिष्ठ कार्यालयात अनुकूल अहवाल देण्यासाठी परिक्षेत्र अधिकारी संदीप चौरे यांनी तक्रारदाराकडून २० लाखांची लाच मागितली होती. याप्रकरणी चौकशीदरम्यान, याप्रकरणी चौकशीदरम्यान, चौरे यांनी आरोपी चंद्रकांत पाटील आणि अन्य एका व्यक्तीशी संपर्क साधण्यास सांगितल्याचे उघड झाले होते. मंगळवारी १० लाखांची रक्कम स्वीकारतांना लाचलुचपत प्रतिबंधक विभागाने सापळा रचून आरोपी चंद्रकांत पाटील याला रंगेहात पकडले होते.