रेल्वे मंत्रालयाने सुरू केलेल्या वंदे भारत एक्सप्रेसला चांगला प्रतिसाद मिळत आहे. त्याच अनुषंगाने प्रवाशांसाठी लांब पल्ल्याच्या वंदे भारत एक्सप्रेस देखील सुरु करण्यात येणार आहेत. त्यामध्ये, स्लीपर वंदे भारत एक्सप्रेसकडे सर्वांचे लक्ष लागले असून लवकरच वंदे भारत स्लीपर एक्सप्रेस महाराष्ट्रात धावणार असल्याचे बोलले जात आहे. महाराष्ट्रातील लांब पल्ल्याची पहिली वंदे भारत एक्सप्रेस म्हणून नागपूर ते मुंबई आणि नागपूर (Nagpur) ते पुणे या लोहमार्गावर धावणार असल्याची माहिती नागपूर रेल्वेचे डीआरएम विनायक गर्ग यांनी दिली आहे. त्यामुळे, आता लवकरच वंदे भारत स्लीपर एक्सप्रेसची सफर प्रवाशांना करता येणार आहे. त्यामुळे, नागपूर आणि, पुणे, मुंबईच्या या ठिकाणातील प्रवाशांना याचा लाभ मिळणार आहे.
देशातील सर्वात हायस्पीड वंदे भारत ट्रेनने नुतकेच शतक पूर्ण केले असून प्रवाशांनाही या ट्रेनची भुरळ पडली आहे. वंदे भारत स्लीपर ट्रेनमध्ये १६ कोच असणार असून ताशी १४० ते १६० किमी वेगाने ही ट्रेन धावणार आहे. त्यामुळे, प्रवाशांना आरमदायी स्लीपर प्रवासाचा आनंद घेता येईल.देशातील लांब पल्ल्याच्या विविध मार्गांवर ही ट्रेन सुरू झाल्यानंतर प्रवाशांचा उत्तम प्रतिसाद या ट्रेनला मिळत आहे. त्यामुळेच, रेल्वे मंत्रालयाने लांब पल्ल्याच्या वंदे भारत स्लीपर ट्रेन सुरू करण्यावर भर दिला आहे. कोलकाता ते दिल्ली, नागपूर ते मुंबई अशा मार्गावर ही स्लीपर वंदे भारत धावणार असून प्रवाशांची उत्तम सोय असणार आहे. त्यात, महाराष्ट्रातील पहिली वंदे भारत स्लीपर नागपूर ते मुंबई, पुणे येथे धावणार आहे. दरम्यान, अद्याप या स्लीपर ट्रेनचे भाडे किंवा दरपत्रक जाहीर झाले नाही.
स्लीपर वंदे भारत एक्सप्रेस मुळे नवीन उत्पादन सुरू करण्यात आलं असून स्लीपर वंदे भारत कोणकोणत्या मार्गावर सुरू करायची आहे याचा अंतिम निर्णय रेल्वे बोर्ड करणार आहे.पुढील काही महिन्यांत नागपूर ते पुणे आणि नागपूर ते मुंबई दरम्यान स्लीपर वंदे भारत एक्सप्रेस धावण्याची शक्यता आहे. मात्र, मध्य रेल्वेने एक प्रस्ताव रेल्वे बोर्डाकडे सादर करत नागपूर-पुणे आणि नागपूर-मुंबई दरम्यान स्लीपर वंदे भारतची मागणी केल्याची माहिती नागपूरचे डी.आर.एम विनायक गर्ग यांनी दिली आहे. सध्या नागपूरातून नागपूर-सिकंदराबाद, नागपूर-इंदौर आणि नागपूर भोपाळ अशा तीन वंदे भारत एक्सप्रेस धावत आहेत.भविष्यात त्या स्लीपर ट्रेन होऊ शकतात.
हे ही वाचा:
पहिल्याच चित्रपटाच्या शुटिंग दरम्यान ह्या अभिनेत्रीची मुलगी होतेय ट्रोल!
सरकारच्या योजनांमध्ये मोठा बदल होण्याची शक्यता ! PM आवास योजना ते किसान योजनेपर्यंत मोठे बदल
