नांदेड जिल्ह्यातील माळेगावच्या यात्रेत सध्या नागरिक व भाविकांची गर्दी आहे. या यात्रेत प्राण्याचे बाजार देखील भरले आहेत.
या यात्रेत दोन दिवसांपूर्वी उंटांचा बाजार भरला होता, या बाजाराने सगळ्याचे लक्ष वेधले होते, या बाजारात अनेकांनी उंटींची खरेदी व विक्री केली असल्याचं दिसून आलं. आता येथे घोडेबाजाराला सुरवात झालीये.माळेगावच्या यात्रेत आता घोडेबाजाराला सुरुवात झाली आहे. या यात्रेमध्ये राजकीय नेत्यांचे घोडे देखील दाखल झाली आहेत.
माळेगाव मध्ये मंत्री धनंजय मुंडे यांच्या घोड्याजवळ चांगलीच गर्दी पाहायला मिळत आहे. बादल असे या घोड्याचे नाव असून त्याचे वय 7 वर्ष आहे.
धनंजय मुंडे यांचे वडील स्वर्गीय पंडित अण्णा मुंडे यांनी माळेगावच्या यात्रेमध्ये अश्व आणण्याची परंपरा सुरू केली होती, ती परंपरा धनंजय मुंडे यांनी आतापर्यंत सुरू ठेवली असल्याचं त्यांच्या स्वकियांकडून सांगण्यात आलं आहे.माळेगावच्या यात्रेमध्ये आलेला करड्या रंगाचा उंचा पुरा धनंजय मुंडे यांचा बादल पाहण्यासाठी नागरिकांची व यात्रेतील अश्वप्रेमींची गर्दी दिसून येत आहे.
