नाशिकचे सुपुत्र विक्की चव्हाण यांना वीरमरण

नाशिक (Nashik) जिह्ल्यातील चांदवड तालुक्यातील जवानास वीरमरण आले आहे. त्यामुळे संपूर्ण जिल्ह्यावर शोककळा पसरली आहे. चांदवड तालुक्यातील हरनूल येथील भारतीय सैन्य दलातील जवान श्रीनगरला कार्यरत असताना कुस्तीचा सराव सुरु असताना वीरमरण आले आहे. वयाच्या २५ वर्षी जवान विक्की अरूण चव्हाण (Vicky Arun Chavan) यांच्या निधनाने चव्हाण कुटुंबासह संपूर्ण हरनूल गावावर शोककळा पसरली आहे. नाशिक जिह्ल्यातील असंख्य जवान भारतीय सैन्य दलात कार्यरत असून नाशिक जिह्ल्याच नावलौकिक करत आहेत. गेल्या काही महिन्यांपासून जवानांच्या अपघात होऊन निधन होण्याच्या घटना मोठ्या प्रमाणावर घडत आहेत.

नाशिकमधील चांदवड तालुक्याने भारतीय सैन्य दलाला अनेक जवान दिले आहेत. तर आज नाशिकमधील सुपुत्र जवान विक्की चव्हाण यांना वीरगती प्राप्त झाली आहे. जवान विक्की अरूण चव्हाण श्रीनगर येथील पुंछ राजोरी येथे महार रेजिमेंट मध्ये कार्यरत होते. विक्की हे स्वता कुस्तीपटू असल्यामुळे अनेक स्पर्धेच्या निमित्त सराव करत असायचे. काल संध्याकाळी कुस्तीचा सर्व करत असताना त्यांना वीरगती आली. विक्की चव्हाण यांनी बारावी पास झाल्यानंतर भारतीय लष्करात दाखल व्हायचं असे स्वप्न त्यांनी बाळगलं होत. त्यानंतर ते भारतीय सैन्य दलात दाखल झाले. गेल्या साडेचार वर्षोपासून ते भारतीय सैन्य दलात कार्यरत होते. विक्की याना कुस्तीची आवड आल्यामुळे ते रोज कुस्तीचा सराव करायचे. चव्हाण यांची राष्ट्रीय कुस्ती स्पर्धेत (National Kusti Championship) निवड झाली होती. ते रोज कुस्तीचा सराव करत असायचे. काल संध्याकाळी आठ वाजताच्या सुमारास कुस्तीचा सर्व करत असताना त्यांचा अपघात झाला. आणि त्यात चव्हाण यांना वीरगती प्राप्त झाली. त्यानंतर ही बातमी चव्हाण यांच्या कुटुंबियांना कळवण्यात आले.

काही दिवसांपूर्वी विक्की चव्हाण हे सुट्टी निमित्त नाशिक मध्ये गेले होते. विक्की यांनी त्यांच्या स्वभावामुळे खूप ओळख निर्मण केली होती. बारावी नंतर त्यांनी भारतीय सैन्य दलात जाण्याचा निर्णय घेतला आणि ते भारतीय सैन्यदलात दाखल झाले. मागील साडे चार वर्षपासून ते श्रीनगर येथील महार रेजिमेंटमध्ये तैनात हेते. विक्की याच्या निधनामुळे संपूर्ण गावावर शोककळा पसरली आहे. त्यांच्या पश्चात आई, वडील, भाऊ, बहीण असा परिवार आहे. विक्की चव्हाण यांचे पार्थिव आज रात्री मुंबई विमानतळ येथे पोहचेल. उद्या सकाळी नाशिक येथील चांदवड तालुक्यातील हरणूल येथे शासकीय इतमामात अंत्यसंस्कार होणार आहे.