spot_img
Sunday, February 9, 2025

Latest Posts

कारची काच वर करत पंकजा मुंडेंनी धनंजय देशमुखांच्या आंदोलनावर बोलणं टाळलं

बीड जिल्ह्यातील मस्साजोग गावाचे सरपंच संतोष देशमुख यांची निर्घृण हत्या करण्यात आली. या हत्येला महिना उलटला आहे आणि अद्याप पोलिसांनी एक मारेकरीला अटक केली नाही आहे. पोलिसांकडून तपासाबाबत वेळोवेळी माहिती दिली जात नसून आम्हाला न्याय हवा आहे, माझ्या भावाचं जे झालं तसंच मलाही ठार मारलं जाईल, त्यामुळे मीच स्वत:ला संपवून घेतो, असं संतोष देशमुख यांचे भाऊ धनंजय देशमुख यांनीमागणी केली. आज धनंजय देशमुख यांच्या सह गावकऱ्यांनी गावातील पाण्याच्या टाकीवर चालून आंदोलन केलं, यावेळी ते बोलत होते.

 

नेमकं काय घडलं
खंडणी प्रकरणातील आरोपींवर मोक्का लावण्यात यावा, त्यांनाही खुनाच्या गुन्ह्यात आरोपी करण्यात यावे अशी मागणी करत धनंजय देशमुखांनी आज मस्साजोग गावात टाकीवर चढून आंदोलन केले. यावेळी, संपूर्ण ग्रामस्थ देशमुख कुटुंबीयांच्या न्यायासाठी रस्त्यावर उतरल्याचं पाहायला मिळालं. तर, मराठा आंदोलक मनोज जरांगे पाटील यांनीही गावात जाऊन धनंजय देशमुख यांची समजूत काढत आंदोलन मागे घेण्यास लावले. दरम्यान, मंत्री पंकजा मुंडेंना पत्रकारांनी घेरलं असता, या विषयी प्रश्न करताच त्यांनी उत्तर न देता आपली गाडी पुढे नेली.

मंत्री पंकजा मुंडेंनी मात्र यावर बोलणं टाळल्याचं पाहायला मिळालं. उद्योजकता विकास परिषदेसाठी त्या पिंपरी चिंचवडमध्ये आल्या होत्या. यावेळी केंद्रीय मंत्री राजीव रंजन सिंग, केंद्रीय राज्यमंत्री जॉर्ज कुरियन आणि एसपी सिंग बगेल उपस्थित होते. त्यानंतरच्या पत्रकार परिषदेत धनंजय देशमुखांच्या अनुषंगाने पंकजा मुंडेंना प्रश्न विचारण्याचा प्रयत्न केला असता, प्रोटोकॉलनुसार केंद्रीय मंत्र्यांनी बोलल्यानंतर मला बोलता येणार नाही, असं कारण मुंडेंनी पुढं केलं. त्यानंतर, काही वेळाने केंद्रीय मंत्री आणि राज्यमंत्री रवाना झाले. त्यानंतर ही माध्यमांनी पंकजा मुंडेंनी मस्साजोगमध्ये सुरु असलेल्या आंदोलनाबाबत प्रतिक्रिया घेण्याचा प्रयत्न केला. मात्र, तातडीनं गाडीत बसून गाडीच्या काचा वर घेऊन पंकजा मुंडेंनी काढता पाय घेतला. मस्साजोग व देशमुख.. देशमुख… असा प्रश्न पत्रकारांकडून करण्यात येत होता. मात्र, पंकजा मुंडेंनी उत्तर देणं टाळल्याचं दिसून आलं.

Latest Posts

Don't Miss