परभणीत झालेल्या हिंसाचाराचे राज्यभरात त्याचे गंभीर पडसाद उमटले आहेत. परभणीत हिंसाचाराच्या वेळी सोमनाथ सुरवंशी याची न्यायालयीन कोठडीत मृत्यू झाला. पोस्टमार्टममध्ये धक्कादायक अहवाल समोर आल्याने संपूर्ण राज्य हादरले होते. विधिमंडळात याप्रकरणावरून विरोधकांनी सत्ताधाऱ्यांना घेरले होते. आज पुन्हा परभणीत सोमनाथ सूर्यवंशी प्रकरण तापणार आहे. आज परभणीत सोमनाथ सूर्यवंशीच्या कुटुंबियांना सांत्वन करण्यास काँग्रेस नेते राहुल गांधी येणार असून शिवसेना आणि भाजपचे मंत्रीही परभणीत सांत्वन करण्यास येणार आहेत.
परभणीत डॉक्टर बाबासाहेब आंबेडकर यांच्या पुतळ्यासमोरील संविधान शिल्पाची विटंबना करण्यात आल्यानंतर परभणीत बंद पुकारण्यात आला होता. या बंदमध्ये काही समाजकंटकांनी हिंसक आंदोलन केलं आणि यानंतर पोलिसांनी धरपकड सुरू केली. या कारवाईत 35 वर्षीय तरुण वकील सोमनाथ सूर्यवंशी यांना अटक झाली होती. न्यायालयीन कोठडीत असतानाच त्यांचा मृत्यू झाला. यानंतर सोमनाथच्या अंत्यविधी झाल्यानंतर घरी जात असताना आंबेडकरी चळवळीतील नेते विजय वाकोडे यांचाही ह्रदय विकाराच्या झटक्याने मृत्यू झाला. परभणीतील वातावरण या दोन घटनांमुळे चांगलेच तापले होते, याचे विधिमंडळातही पडसाद पाहायला मिळाले.
मुख्यमंत्री देवेंद्र फडणवीस यांनी विधिमंडळात उत्तर देताना, सोमनाथ सूर्यवंशी यांच्या कुटुंबीयांना 10 लाखांची तर विजय वाकोडे यांच्या कुटुंबीयांना 5 लाखांची मदत जाहीर केली. तसेच एका पोलीस निरीक्षकाला निलंबित करून प्रकरणाची न्यायालयीन चौकशी लावली.राष्ट्रवादी काँग्रेसचे अध्यक्ष शरद पवार आणि उपमुख्यमंत्री अजित पवार यांनीही या कुटुंबांना भेट देऊन सांत्वन केले. आज शिवसेना आणि भाजपचे मंत्री परभणीत दाखल होणार आहे. सूर्यवंशी कुटुंबाला आणि विजय वाकोडे कुटुंबियांना सांत्वन करण्यास येणार आहेत.
राहुल गांधी यांचा दौरा कसा
परभणी शहरातील संवेदनशील घटनांमुळे तापलेल्या वातावरणात आज काँग्रेसचे नेते आणि लोकसभेतील विरोधी पक्षनेते राहुल गांधी परभणीत दाखल होणार आहेत. सोमनाथ सूर्यवंशी यांच्या कुटुंबाला आणि आंबेडकरी चळवळीतील दिवंगत नेते विजय वाकोडे यांच्या घरी सांत्वनासाठी करणार आहेत. आज दुपारी 2 वाजता राहुल गांधी परभणीत दाखल होतील. प्रथम ते सोमनाथ सूर्यवंशी यांच्या घरी जाऊन त्यांच्या कुटुंबीयांना भेटून परिस्थिती समजून घेणार आहेत. त्यानंतर विजय वाकोडे यांच्या घरी जाऊन कुटुंबीयांची भेट घेऊन सांत्वन करतील.तत्पूर्वी, शिवसेना गटाचे नेते आणि उद्योगमंत्री उदय सामंत तसेच सामाजिक न्याय मंत्री संजय शिरसाठ यांनीही सोमनाथ सूर्यवंशी यांच्या कुटुंबीयांची भेट घेऊन त्यांच्या दुःखात सहभागी होणार असल्याचे सांगितले. सायंकाळी भाजप नेत्या आणि आरोग्य राज्यमंत्री मेघना बोर्डीकर या दोन्ही कुटुंबांना भेट देणार आहेत.
हे ही वाचा:
Eknath Shinde पत्रकार परिषदेतून होणार व्यक्त, नेमकं काय बोलणार याकडे राज्याचं लक्ष
Eknath Shinde यांनी महायुतीपुढे टाकली नवी गुगली; म्हणाले,”मुख्यमंत्रीपद मिळणार नसेल तर…”
