प्रेमविवाह केल्याच्या रागातून जळगावात जावयाची निर्घृण हत्या करण्यात आली. मुकेश शिरसाट असे हत्या झालेल्या 26 वर्षीय तरूणाचे नाव आहे. या घटनेमुळे संपूर्ण जळगावात शोककळा पसरली आहे. याप्रकरणी पोलिसांनी आतापर्यंत दहा जणांना अटक केली आहे. एवढंच नाही तर मुकेश शिरसाठला मारहाण करताना मध्ये पडलेल्या त्याच्या घरातील 7 जणांवर वार करत गंभीर जखमी करण्यात आल्यानंतर मृत तरुणाच्या चुलत्याने या बदल्याचा विडा उचलला आहे. काय आहे नेमकं प्रकरण बघुयात…
पाच वर्षांपूर्वी मुकेश शिरसाट आणि पुजा सोनावणे यांचे प्रेमसंबंध जुळले होते. दोघेही जळगाव शहरातील पिंप्राळा परिसरात असलेल्या हुडको भागातील रहिवासी होते. पाच वर्षांपूर्वी जळगावात मुकेश शिरसाठने बनसोडे कुटुंबातील पूजा नामक तरुणीशी पळून जाऊन लग्न केलं. घरच्यांच्या विरोधात जाऊन पुजाने मुकेशसोबत लग्न केल्याने तिच्या कुटुंबियांच्या त्यांच्यावर राग होता. या लग्नानंतर मुकेश पहिल्यापासूनच टार्गेटवर होता. मुकेश हातमजुरी करून संसार चालवायचा. तर पुजाही घरकाम करून संसाराला हातभार लावत होती.
मुकेश आणि त्याच्या सासरच्या नातेवाईकांमध्ये 18 जानेवारीच्या संध्याकाळी वाद झाला होता. हा वाद मिटवण्यासाठी काही लोकांनी प्रयत्न केले, पण रविवारी सकाळी सुमारे 8.30 वाजता, तो दुकानात एकटा जात असताना पूजाच्या कुटुंबियांनी त्याला गाठले आणि कोयता चॉपरचे वार करत निर्घृणपणे मुकेशची हत्या केली. त्याला मारताना मध्ये पडलेल्या त्याच्या घरातील त्याचा भाऊ, काका, काकू, दोन चुलत भाऊ, चुलत बहीणीवरही वार करत जखमी केले. या प्रकरणात आता पोलिसांनी आतापर्यंत सहा जणांना अटक करण्यात आली आहे. दरम्यान, मुकेशची गर्भवती पत्नी पूजा हिच्यावरही हल्ला करण्याचा प्रयत्न करण्यात आला. तिच्यावरही वार करून तिलाही संपवण्याचा प्रयत्न केला. मात्र, पूजाची नणंद वेळीच घटनास्थळी पोहोचली आणि तिच्या हस्तक्षेपामुळे गर्भवती पूजा या हल्ल्यातून बचावली.
दुसरीकडे लग्नाला तीन-चार वर्षे लोटूनही पूजाच्या माहेरच्यांकडून सातत्याने वाद निर्माण केले जात होते. अनेकदा हे वाद पोलिसांपर्यंतही गेले. पूजाच्या घरचे वारंवार तिला आणि मुकेशला जीवे मारण्याच्या धमक्याही देत होते. पण कौटुंबिक वादामुळे पोलिसांनी कोणतीही कठोर भूमिका न घेता दोन्ही कुटुंबियातील संबंध सुधारण्याचा प्रयत्न केला. पण मुकेशच्या काटा काढायचाच हे पूजाच्या माहेरच्यांच्या डोक्यात होते. या प्रकरणात आता पोलिसांनी आतापर्यंत सहा जणांना अटक करण्यात आली आहे.
जळगावातील घटनेने पिंप्राळा हुडका परिसरात तणावपूर्ण शांतता आहे. पोलिसांचा तगडा बंदोबस्त आहे. मुकेशच्या हत्येने कुटुंबियांनी हंबरडा फोडलाय. संतापानं त्वेषाने पेटलेल्या पूजाच्या कुटुंबियांना अटक करण्यात आली आहे. मयत तरुणाचे काका निळकंठ शिरसाठ म्हणाले,“मुकेशचे त्यांच्या मुलीसोबत प्रेमविवाह झाल्यामुळे सासरच्या मंडळींशी जुने वाद होते. त्यांनी हे वाद कधीही संपवले नाहीत, उलट त्याला त्रास देण्यासाठी नेहमीच संधी शोधत राहिले.
रविवार असल्याचं त्यांना माहिती होतं, त्यामुळे तो घरी असेल याची खात्री करून त्यांनी आधीच जमाव जमवला. यांच्यासोबत आपण काहीतरी करू. त्यामुळे त्यांनी असे काम केले. कोयते, रॉड आणि तलवारीने मारहाण करण्यात आली, विटा देखील फेकण्यात आल्या. 25 ते 30 जणांनी हल्ला केला. त्यांना वाटत असेल की, त्यांनी आमच्या पोराला मारले आहे. त्यांचे देखील आम्ही एक-दोन खल्लास करू, तरच आम्ही राहू, असे त्यांनी म्हटले आहे.
मृत मुकेशच्या चुलत्याने या बदल्याचा विडा उचलला आहे. आपण प्रेम विवाह केल्याने आपल्या परिवारातील लोकांनी आपल्या पतीची हत्या केली आहे म्हणत मुकेशच्या पत्नीने टाहो फोडला होता. प्रेमविवाहानंतर डूक धरून पाच वर्षांनी माहेरच्या लोकांनीच नवऱ्याला निर्घृणपणे संपवलं. या हत्येने आपलं आणि आपल्या लहान मुलींचे आयुष्य अंधारात गेलं आहे. आपल्या पतीची हत्या करणाऱ्यांवर पोलिसांनी कठोर कारवाई करण्यात यावी अशी मागणी मृत मुकेशच्या पत्नीने केली आहे. पूजाच्या आर्त हंबरड्यानं जळगावसह गाढे नगरसह संपूर्ण गाव गहिवरला आहे.
मुकेश आणि पूजा यांना तीन वर्षांची मुलगी असून पूजा गर्भवती आहे. अशा परिस्थितीत मुकेशची हत्या झाल्यामुळे कुटुंबावर दु:खाचा डोंगर कोसळला आहे. हल्लेखोरांनी केलेल्या अमानवी कृत्यामुळे परिसरात संताप व्यक्त होत आहे. मुकेशच्या बहिणीने हल्लेखोरांना कठोर शिक्षेची मागणी केली आहे. तिने न्यायासाठी आवाज उठवताना, दोषींना फाशीची शिक्षा देण्याचा आग्रह धरला आहे. मुकेशची त्याच्याच घरासमोर सासरच्या लोकांनी हत्या केल्यामुळे जळगावात थरकाप उडाला आहे. शहरातील पिंप्राळा हुडको परिसरात तणावाचे वातावरण आहे
हे ही वाचा :
घरच्याघरी पारंपरिक पद्धतीने हुरड्याचे थालीपीठ कधी खाल्ले आहे का? जाणून घ्या सोपी पद्धत
Follow Us
टाईम महाराष्ट्रचे अपडेट्स मिळवण्यासाठी आम्हाला फॉलो करा .