सध्या संपूर्ण महाराष्ट्रात मस्साजोग प्रकरण चर्चेचा विषय ठरला आहे. मस्साजोगचे सरपंच संतोष देशमुख यांची अत्यंत क्रूरपणे हत्या करण्यात आली. बीड जिल्ह्यातील रेणापूर येथे संतोष देशमुश यांच्या कुटुंबाला न्याय मिळावा तसेच आरोपीला अटक व्हावी यासाठी आक्रोश मोर्चा काढण्यात आला होता. या मोर्चात संतोष देशमुख यांची कन्या वैभवीने केलेल्या वक्तव्याने सगळ्यांच्या डोळ्यात पाणी आले.
या आक्रोश मोर्चात संतोष देशमुख यांची दोन्ही मूळ सहभागी झाली होती. यावेळी संतोष देशमुख यांची कन्या वैभवी मंचावर भावुक झाली होती.
मोर्चेकऱ्यांसमोर वैभवी भाषण करताना जे बोलली त्या वक्तव्याने सगळ्यांच्या डोळ्यात पाणी आले. “तुम्ही इथे आलात, तुमची संख्या बघून काय बोलावं ते सुचत नाहीय. तुमचा खंबिरपाठिंबा आमच्यामागे कायम उभा राहू दे अशी विनंती करते. आज आमच्यावर दुःखाचा प्रसंग ओढवला आहे, आणि त्या दुःखात तुम्ही आमची साथ देत आहेत” असं वैभवी म्हणाली.
” माझ्या वडिलांसोबत काय झालं हे तुम्हाला माहीतच आहे. त्यांना क्रूरपणे मारण्यात आलं. त्यांना न्याय मिळवून देण्यासाठी तुम्ही सर्वजण मोठ्या संख्येने आज इथे उपस्थित आहात तसेच कायम आमच्यासोबत राहा. आमचं छत्र हिरावलं आहे, दुसऱ्या मुलं-मुलीसोबत असं होऊ नये त्याचबरोबर कोणत्याही कुटुंबावर अशी वेळ येऊ नये असं वैभवी म्हणाली.
‘कुटुंब म्हणून सोबत राहा’
“माझे वडिल समाजसेवक होते. त्यांनी आजपर्यंत कोणतेही वाईट काम केले नाही. ते कायमचा सगळ्यांना मदत करायचे, गावामध्ये स्वच्छता अभियान राबवलं, व्यसनमुक्तीसाठी काम केले. माझ्या वडिलांमुळे ग्रामपंचायतीला अनेक पुरस्कार मिळाले. त्यामुळे त्यांना न्याय मिळालाच पाहिजे. तुम्ही आमच्या पाठीशी उभे राहा, कुटुंब म्हणून सोबत राहा” असं वैभवी म्हणाली.
‘न्याय द्या, न्याय द्या संतोष देशमुखला न्याय द्या’
“मी तुम्हाला माझा परिवार मानते. माझ्या वडिलांना न्याय मिळवून द्या. जे आरोपी आहेत त्यांच्यावर कडक कारवाई व्हायलाच हवी आणि त्या आरोपींना कडक शिक्षा लवकरात लवकर मिळायला हवी. तो पुन्हा घडू नये याची दक्षता घ्या. तुम्ही एक कुटुंब म्हणून साथ द्या, सदैव आमच्या पाठिशी उभे राहा” असं वैभवी म्हणाली. न्याय द्या, न्याय द्या संतोष देशमुखला न्याय द्या’ अशा घोषणा मोर्चाला आलेले लोक देत होते.
हे ही वाचा:
लाचखोर वनक्षेत्रपालाच्या घराची झडती; 57 तोळं सोनं अन् 1 कोटी 31 लाखांची कॅश
“आता खरी मजा आहे”, Manoj Jarange Patil यांची Devendra Fadnavis यांच्यावर टीका
