चोरी करण्यासाठी घरात घुसलेल्या चोरट्याला कोणताही मौल्यवान वस्तू न मिळाल्यामुळे चोराने घरात असलेल्या महिलेला किस केलं आणि घटनास्तळावरून पळ काढला. महिलेने यासंदर्भात पोलीस ठाण्यात तक्रार दाखल केली आहे. ही घटना ३ जानेवारीला मालाडमधील कुरार भागात घडली आहे. घटनेची माहिती पोलीसांना मिळताच पोलिसांनी या प्रकरणी गुन्हा दाखल केला असून चोराला अटक देखील केली आहे.
नेमकं काय घडलं?
कुरार पोलिसांनी या घटनेबाबत माहिती देताना सांगितले की, महिलेचा विनयभंग आणि दरोड्याचा प्रयत्न केल्याच्या आरोपाखाली एका व्यक्तीला अटक करण्यात आली आहे. मालाडमधील कुरार भागात 3 जानेवारीला ही घटना घडली होती.
38 वर्षीय महिलेने दिलेल्या फिर्यादीनुसार, ती घरी एकटीच होती, तेव्हा आरोपीने घरात प्रवेश करून दरवाजा आतून बंद केला. यानंतर आरोपीने महिलेला धाक दाखवला आणि तिला सर्व मौल्यवान वस्तू, रोख रक्कम, मोबाईल आणि एटीएम कार्ड देण्यास सांगितलं. मात्र, महिलेने घरात मौल्यवान वस्तू नसल्याचे सांगताच आरोपीने तिला किस केलं आणि तेथून पळ काढला.
चोर पळून गेल्यानंतर या महिलेने कुरार पोलीस ठाण्यात तक्रार दाखल केली. महिलेचा विनयभंग आणि दरोड्याचा प्रयत्न केल्याच्या गुन्हा दाखल करण्यात आला आहे. पोलिसांनी गुन्हा दाखल करत आरोपीला अटक करण्यात आली आहे. या प्रकरणाचा तपास सुरु आहे. चोराचा यापूर्वी कोणताही गुन्हेगारी रेकॉर्ड नसून आरोपी आपल्या कुटुंबासोबत राहतो आणि सध्या तो बेरोजगार आहे. ही घटना ३ जानेवारीला घडली आहे. पोलीस अधिकाऱ्याने सांगितले आहे.
हे ही वाचा:
Bhau Torsekar थेट म्हणाले, Nikhil Wagle यांनी शिवसेना संपावी म्हणून पत्रकारिता केली…
Matoshree, Sanjay Raut, Uddhav Thackeray, Bhau Torsekar की… नेमकं कोण झालं बदनाम?
