राज्य उत्पादन शुल्क ठाणे भागाच्या कल्याणच्या भरारी पथकाने पुष्पा स्टाईलने सुरू असलेल्या विदेशी दारूच्या तस्करीचा पर्दाफाश केला आहे. या तस्करांनी चक्क टेम्पोच्या खालच्या बाजूला भला मोठा चोर कप्पा बनवून त्यामध्ये दमण, दादरा नगर हवेली येथील विदेशी दारूचा साठा महाराष्ट्रात आणून विक्री करण्याचा त्यांचा प्लॅन होता. मात्र राज्य उत्पादन शुल्क ठाणे विभागाच्या कल्याणच्या भरारी पथकाला या टेम्पोची माहिती मिळाली व भरारी पथकाने वाडा-सोलापूर रोडवरच सापळा रचत या तस्करीचा पर्दाफाश केला. या टेम्पोमधून भरारी पथकाने सुमारे साडेपाच लाखांचे विदेशी मद्य जप्त केले तर संधीचा फायदा घेत टेम्पो चालक पसार असून त्याच्या साथीदाराला भरारी पथकाने अटक केली. हरिसिंग गेहलोत असे या इसमाचे नाव आहे. त्याने हा मद्य साठा कुठून आणला? कुणाला विकणार होता? याचा तपास एक्साईज विभाग करत आहे.
टेम्पोमध्ये चोर कप्पा बनवून महाराष्ट्राचा महसूल बुडवून दमण, दादरा नगर हवेली राज्यातील विदेशी मद्याची महाराष्ट्रात तस्करी करण्यात येत असल्याचे उघडकीस आले आहे. वाडा-शहापूर मार्गावरून एका टेम्पोमध्ये मोठ्या प्रमाणात दमण, दादरा नगर हवेली येथील विदेशी मदय महाराष्ट्रात विक्री करण्यासाठी बेकायदेशीररीत्या आणण्यात येणार असल्याची माहिती राज्य उत्पादन शुल्क ठाणे विभागाच्या कल्याणच्या भरारी पथकाला मिळाली होती. या माहितीच्या आधारे, कल्याणच्या भरारी पथकाचे इन्स्पेक्टर दिपक परब यांनी सहकाऱ्यांसह वाडा-शहापूर रोडवर सापळा रचला. हा संशयित टेम्पो दिसताच त्यांनी टेम्पो अडवला. मात्र टेम्पो रिकामा दिसला मात्र टेम्पोच्या मागील बाजूस असलेला पत्रा उचकटून पाहिला असता त्याखाली मोठ्या प्रमाणात विदेशी मद्य लपवून ठेवल्याचे आढळून आले. हे विदेशी मद्य दमण, दादरा नगर हवेली येथून महाराष्ट्रात विक्री करण्यासाठी बेकायदेशीररीत्या आणण्यात आल्याचे निष्पन्न झाले.
भरारी पथकाने तत्काळ कारवाई करत हे मद्य जप्त केले. मात्र संधीचा फायदा शोधून टेम्पो चालक हा पसार झाला तर त्याचा साथीदार हरीसिंग गहलोत याला एक्साईज विभागाने ताब्यात घेतलं. हा टेम्पो दमण, दादरा नगर हवेली येथील हा मद्य साठा घेऊन आल्याची प्राथमिक माहिती आहे. हा मद्य साठा नेमका कुठून आणला?, महाराष्ट्रात ते कोणाला विकणार होते याचा तपास राज्य उत्पादन शुल्क विभागाने सुरू केला असल्याची माहिती राज्य उत्पादन शुल्क विभाग ठाणे, कल्याण भरारी पथक इन्स्पेक्टर दिपक परब यांनी दिली.
हे ही वाचा :
Mobile Forensic Van सुरू करणारे Maharashtra देशातील पहिले राज्य- CM Devendra Fadnavis