लहान मुलं नेहमीच हट्ट करतात, त्यांना हवी असलेली एखादी गोष्ट त्यांना मिळाली नाही तर ते काय करतील याचा कधीच नेम नसतो. पण, असं लहान मुलांसारखं जर एखादी मोठी जबाबदार व्यक्ती वागली तर? नागपुरमध्ये घडलेल्या अश्याच एका प्रकारावर सध्या संताप व्यक्त केला जात आहे. नागपुरातील जिल्हा परिषदेच्या आरोग्य केंद्रातील डॉक्टरने वेळेत चहा-बिस्कीट न मिळाल्यामुळे शस्त्रक्रिया सोडून त्या आरोग्य केंद्रातून थेट निघून जाणं पसंत केलं. धक्कादायक प्रकार म्हणजे, ऑपरेशनची(operation) सर्व तयारी केली होती, तसेच, रुग्णांना Anesthesia देखील देण्यात आला होता. त्यामुळे, डॉक्टरांच्या या कृत्याने रुग्णाच्या नातेवाईकांनी संताप व्यक्त केला आहे.
हा प्रकार नागपूर जिल्हा परिषदेच्या प्राथमिक आरोग्य केंद्रात (Health Centre) घडला. शस्त्रक्रिया नियोजित झालेली होती, त्यानुसार सगळी तयारी देखील करण्यात आली होती. कुटुंब नियोजनाची शस्त्रक्रिया चार महिलांवर केली जाणार होती. डॉक्टर आरोग्य केंद्रात वेळेवर आले होते, पण त्यांना वेळेत चहा बिस्कीट मिळालं नाही. यावर डॉक्टरांचा राग अनावर झाला आणि डॉक्टर आरोग्य केंद्रातून तडकाफडकी निघून गेले.डॉक्टरांच्या या कृत्याचा नाहक त्रास चारही महिला रुग्णांना सहन करावा लागला. शुक्रवारी ३ ऑक्टोबर रोजी ही धक्कादायक घटना घडली असून यासंदर्भात रुग्णांच्या नातेवाईकांनी रुग्णालय प्रशासनाकडे तक्रार दाखल केली आहे. जिल्हा परिषदच्या आरोग्य अधिकारी असलेल्या कुंदा राऊत यांनी या झालेल्या प्रकरणाबाबत चौकशीचे आदेश दिले आहेत.
डॉक्टर भलावी यांना शुगरचा (Sugar) त्रास असल्यानं त्यांना वेळेवर चहा बिस्कीटची गरज होती. त्यामुळे त्यांना वेळेत चहा बिस्कीट न मिळाल्यानं ते आरोग्य केंद्रातून निघून गेल्याचं चौकशीतून समोर आल्याचं डॉ. भलावी यांनी सांगितलं आहे. त्यानंतर प्राथमिक आरोग्य केंद्राच्या कर्मचाऱ्यांनी सार्वजनिक आरोग्य विभागाच्या दुसऱ्या डॉक्टरांची व्यवस्था करून नियोजित शस्त्रक्रिया पूर्ण केल्याची माहिती आरोग्य अधिकाऱ्यांनी दिली आहे.
हे ही वाचा :
ऑस्ट्रेलियाविरुद्धच्या सामन्यापूर्वी अफगाणिस्तानच्या खेळाडूंना सचिनकडून मिळाल्या टिप्स…
राज्य व देशातील हवामानात बदल, थंडीसह पावसाची शक्यता
