चिंचपोकळीच्या चिंतामणी गणपतीचा आगमन सोहळा आज ९ सप्टेंबर २०२३ रोजी होत आहे. संध्याकाळपासून चिंतामणीच्या आगमन सोहळ्याला सुरुवात झाली आहे. मुंबईतील हे एक प्रसिद्ध गणपती मंडळ आहे. या गणपतीच्या आगमन सोहळ्याला दरवर्षी लाखो भाविक येत असतात. संपूर्ण राज्यभरात गणेशोत्सव मोठ्या उत्साहात आणि जलोशात साजरा करण्यात येतो. आज चिंतामणीचा आगमन सोहळा आहे. मोठ्या जलोश्यात आणि आनंदात या गणपतीचे आगमन करण्यात येते. मुर्तीकार रेश्मा खातू यांच्या कार्यशाळेतून चिंचपोकळी चिंतामणीच्या मिरवणुकीला सुरुवात झाली आहे. पुणेरी ढोलताशाच्या गजरात या गणपतीचे आगमन केले जाते. यंदा चिंचपोकळीच्या चिंतामणी मंडळाला १०४ वर्ष पूर्ण झाली आहेत.
