Reshma Shinde Wedding : मराठी सिनेविश्वात गेल्या काही दिवसांपासून रेश्मा शिंदेच्या लग्नाची जोरदार चर्चा चालू होती. अखेर पवनबरोबर लग्नगाठ बांधत अभिनेत्रीने तिच्या आयुष्यातील एका नव्या प्रवासाला सुरुवात केली आहे. थाटामाटात पार पडलेल्या लग्नसोहळ्याचे फोटो रेश्माने सोशल मीडियावर शेअर केले आहेत. रेश्मा शिंदेच्या (Reshma Shinde) घरी लग्नाआधीच्या विधींना सुरुवात झालेली आहे. अभिनेत्रीचा मेहंदी सोहळा घरच्या घरी पार पडला. यावेळी तिच्या हातावरच्या मेहंदीमध्ये लग्नाची तारीख स्पष्टपणे दिसली. यावरून २९ नोव्हेंबरला अभिनेत्री लग्न करणार असल्याचं समोर आलं होतं. त्यामुळे आता मराठमोळ्या संस्कृतीनुसार लग्नाच्या एक दिवस आधी रेश्माचा हळदी सोहळा पार पडला आहे.
रंग माझा वेगळा फेम अभिनेत्री रेश्मा शिंदे लग्न करतेय. रेश्माच्या लग्नाची चर्चा कुठेही नव्हती. तिने अचानक तिच्या केळवणाचे फोटो शेअर करुन चाहत्यांना सरप्राईज दिलं.रेश्मा शिंदेच्या लग्न विधींना सुरुवात झाली आहे. तिचा मेहंदी सोहळा पार पडला.मेहंदी सोहळ्यानंतर रेश्माला हळदीही लागली. हळदीच्या दिवशी रेश्माने तिच्या नवऱ्याचा चेहरा सर्वांना दाखवला आहे.रेश्माने तिच्या हळदीसाठी साऊथ इंडियन थीम ठेवली होती. रेश्माने पिवळ्या रंगाचा घागरा चोळी आणि त्यावर अस्सल साऊथ स्टाइल हिरव्या रंगाची ओढणी कॅरी केली होती.रेश्माच्या नवऱ्याचं नाव पवन असं आहे. ”अत्र तत्र सर्वत्र” असं त्याने त्याच्या इन्स्टाग्राम बायोमध्ये लिहिलं आहे.लग्नासाठी रेश्माने गुलाबी रंगाची सुंदर बनारसी नऊवारी साडी (Pink Banarasi Nauvari Saree) नेसली आहे आणि पवनने लग्नासाठी पांढऱ्या रंगाचा डिझायनर कुर्ता (White Designer Kurta) आणि धोतर (Dhotar) परिधान केले आहे.
