महापुरुषांचा अपमान करण्यात येत असल्याने सगळीकडे संताप व्यक्त होत आहे. विरोध आक्रमक देखील झाले आहेत. समाजवादी पक्षाचे नेते आमदार अबू आझमी यांनी औरंगजेबावर स्तुतीसुमने उधळली होती, औरंजेब हा उत्तम प्रशासक असल्याचे अबू आझमी यांनी म्हंटले होते. या वक्तव्याबद्दल अबू आझमी यांनी स्पष्टीकरण दिले आहे. माझ्या शब्दांचा विपर्यास करण्यात आला आहे. औरंगजेब रहमतुल्ला अलेह बद्दल जे इतिहासकार आणि लेखक म्हणतात तेच मी बोललो आहे. मी छत्रपती शिवाजी महाराज, छत्रपती संभाजी महाराज किंवा इतर कोणत्याही महापुरुषांबद्दल अपमानास्पद टिप्पणी केलेली नाही. पण तरीही माझ्या बोलण्याने कोणी दुखावले असेल तर मी माझंही शब्द आणि माझे विधान मागे घेतो, असे स्पष्टीकरण दिले आहे. अबू आझमीवर शिवसेना शिंदे गटाने गुन्हा दाखल केल्यांनतर अबू आझमी यांनी आपलं वक्तव्य मागे घेतलं. त्यानंतर आता अबू आझमी यांचा मुलगाही अडचणीत सापडला आहे. अबू आझमी यांचा मुलगा अबू फरहान आझमी याच्या विरोधातही एका प्रकरणात गुन्हा दाखल झालाय. नेमकं प्रकरण काय?
समाजवादी पक्षाचे नेते आणि शिवाजीनगर-मानखुर्दचे आमदार अबू असीम आझमी यांचा मुलगा अबू फरहान आझमी हा आता अडचिनीत सापडला आहे. उत्तर गोवा पोलिसांनी अबू फरहान आझमी आणि इतर लोकांविरुद्ध सार्वजनिक ठिकाणी भांडण आणि शांतता भंग केल्याच्या आरोपाखाली गुन्हा दाखल केला आहे. मुघल शासक औरंगजेबाची स्तुती करणाऱ्या विधानामुळे आमदार अबू आझमी यांना टीकेचा सामना करावा लागत असताना फरहान आझमीं विरोधातही गुन्हा दाखल झाला आहे. त्यामुळे आझमी पिता पुत्र चांगलेच अडचणीच सापडले आहेत.
त्यांच्या मुलाने गोव्यात राडा करत इंडिकेटर न दाखवता कारने दिशा बदलल्यामुळे कांदोळी येथे सोमवारी रात्री मोठा वाद झाला. याप्रकरणी पोलिसांनी अबू आझमींच्या मुलासह इतरांविरोधात गुन्हा दाखल केला आहे. याप्रकरणात अबू आझमी यांच्या मुलासह झीऑन फर्नांडिस, जोसेफ फर्नांडिस, फरहान आझमी, शाम आणि इतरांविरोधात गुन्हा दाखल झाला असून त्यांच्यावर भारतीय न्याय संहिता कलम १९४ अंतर्गत गुन्हा नोंदवण्यात आला आहे.
फरहान आझमी मर्सिडीज एसयूव्हीमध्ये प्रवास करत होते. सुपरमार्केटजवळ त्याच्या गाडीने वळण घेतले तेव्हा त्यांच्या मागे असलेल्या एका गाडीतील दोन स्थानिक लोकांनी आझमीशी वाद घातला. लेन बदलत असताना इंडिकेटर न देता फरहानच्या गाडीने वळण घेतल्याचा दावा स्थानिकांनी केला. त्यानंतर वाद सुरू असताना त्या दोघांचे कुटुंबीय आणि स्थानिक लोक तिथे जमा झाले. त्यांनी आझमी आणि त्याच्या ड्रायव्हरला गाडीतून उतरण्यास सांगितले, यादरम्यान फरहान आझमीने त्याच्याकडे परवाना असलेली बंदूक असल्याचे सांगितले.
सोमवारी रात्री ११.३० वाजण्याच्या सुमारास गोवा पोलिसांच्या नियंत्रण कक्षाला कॅडोलिम उत्तर गोव्यातील एका सुपरमार्केटजवळ भांडण झाल्याची माहिती मिळाली. भांडणादरम्यान अबू फरहान आझमीने स्थानिक मुलांना त्याच्याकडे कायदेशीर परवाना असलेली बंदूक असल्याचे सांगितले, वाद वाढल्यानंतर पोलिसांनी दोन्ही बाजूच्या लोकांना कळंगुट पोलीस ठाण्यात आणलं. मात्र दोन्ही गटांनी तक्रार देण्यास नकार दिला. पोलिसांनी सर्वांना त्यांची वैद्यकीय तपासणी करण्यासाठी जिल्हा रुग्णालयात म्हापसा येथे न्यायचे ठरवलं. पण ते गेले नाहीत.
त्यानंतर अबू फरहान आझमीने बंदुकीचा परवाना आणि गोव्यात शस्त्र बाळगण्याची परवानगी पोलिसांना दाखवली. कळंगुट पोलिसांनी मंगळवारी सकाळी सर्व आरोपींचे जबाब नोंदवले. त्यानंतर सार्वजनिक ठिकाणी भांडण, शांतता भंग आणि वाद निर्माण केल्याने पोलीस उपनिरीक्षक परेश सिनारी यांनी तक्रार दाखल केली आणि दोन्ही बाजूच्या लोकांवर गुन्हा दाखल केला. यामध्ये अबू फरहान आझमी, झिऑन फर्नांडिस, जोसेफ फर्नांडिस, श्याम आणि इतरांविरुद्ध भारतीय दंड संहितेच्या कलम १६० अंतर्गत गुन्हा दाखल करण्यात आला आहे.
दरम्यान अधिवेशन संपेपर्यंत सपा आमदार अबू आझमी यांचं निलंबन करण्यात आलं आहे. सुधीर मुनगंटीवार विधानसभेत आक्रमक झाल्याचे पाहायला मिळाले. त्यांच सदस्यत्व रद्द करा अशी मागणी भाजप आमदार सुधीर मुनगंटीवार यांनी केली आहे. औरंगजेबाबाबत केलेलं वक्तव्य आझमींना भोवलं आहे.
हे ही वाचा:
‘नौलखा हार’ गाण्याच्या दिग्दर्शनावेळी आयुष संजीवला गंभीर दुखापत, तरीही काम पूर्ण करत जिंकली मनं
Dhananjay Munde Resignation: अखेर मुंडेंचा राजीनामा; मुख्यमंत्री देवेंद्र फडणवीस यांच्याकडून आदेश
