ठाकरे गटाचे खासदार संजय राऊत यांनी मुख्यमंत्री एकनाथ शिंदे यांच्यावर टीका केली आहे. ड्रग्ज प्रकरणावरून शिंदेंवर निशाणा साधला आहे. राज्यात होणाऱ्या ड्रग्स तस्करीवर बोलताना संजय राऊत यांनी एकनाथ शिंदे यांच्यावर टीका केली आहे.
यावेळी माध्यमांशी बोलत असताना संजय राऊत म्हणाले आहेत की, या महाराष्ट्रात अमली पदार्थांचा व्यापार वाढलेला आहे. याचे उत्तर देशाचे गृहमंत्री आणि राज्याचे गृहमंत्री यांना द्यावं लागेल. रेव पार्टीमध्ये सापाचं विष पासून तयार होणार अमली पदार्थ सेवन करणारे वर्षावर पोहोचतात आणि त्यांचं नाव तुम्हाला माहित आहे. पण मुख्यमंत्र्यांना माहित नाही. त्यांना एक खासदार मुख्यमंत्र्यांकडे घेऊन जातो. त्यांना मिठ्या मारल्या जातात आणि त्यांच्या हातून गणपतीची आरती केली जाते. मुख्यमंत्री त्यांच्या बाजूला उभे राहतात. देशात जे खतरनाक अमली पदार्थाचा व्यापार चालवतात. त्याची सूत्र मुख्यमंत्र्यांच्या बंगल्यात आहेत का? याचा शोध घेण्याची गरज आहे. मुख्यमंत्र्यांपर्यंत याला कोणी पोहोचविले? मुख्यमंत्र्यांच्या टोळीतील हे खासदार कोण आहेत? असा सवाल देखील राऊत यांनी उपस्थित केला आहे.
तसेच राऊत पुढे म्हणाले आहेत की, त्याचे काय आर्थिक संबंध आहेत? मुख्यमंत्र्यांच्या टोळीत कोणाशी आहेत? याचे उत्तर राज्याच्या गृहमंत्र्यांना द्यावं लागेल. मुख्यमंत्र्यांनी बोलू नये की, मी तोंड उघडलं की, तुमची तोंड बंद पडतील. हा त्यांचा नेहमीचा शब्द आहे. पण आधी तुम्ही तोंड उघडा. माझं अमित शाह यांना आवाहन आहे. मुख्यमंत्र्यांच्या बंगल्यापर्यंत एक व्यक्ती पोहोचतो हा मोठा विषय आहे. ललित पाटील किंवा दुसरा कोणी असो, त्याला या राज्यातले मंत्री प्रोटेक्शन देत आहेत असं देखील राऊत म्हणाले आहेत. तसेच अजित पवार यांच्यावर बोलत असताना राऊत म्हणाले आहेत की, ही सगळी नौटंकी आहे. ईडीच्या कार्यवाही टाळण्यासाठी तुम्ही सरकार स्थापन केलात. सगळ्यात मोठी नौटंकी सुरू आहे.
हे ही वाचा :
फुलंब्रीकर कुटुंब कसं आहे,हे जाणून घ्यायचंय तर या कुटुंबाला एकदा येऊन तर भेटा!
शाहरुखच्या ‘डंकी’ मध्ये झळकल्या ‘या’ प्रसिद्ध मराठी अभिनेत्री
