‘माझी माती, माझा देश’ कलश यात्रेच्या कार्यक्रमात महाराष्ट्राचे मुख्यमंत्री एकनाथ शिंदे यांच्याकडून छत्रपती शिवाजी महाराजांच्या नव्या पुतळ्यासंदर्भात महत्त्वाची माहिती त्यांनी दिली. लंडनहून छत्रपती शिवरायांची वाघनखं मायदेशी महाराष्ट्रात आणली जाणार आहेत. त्या बद्दलही मुख्यमंत्री एकनाथ शिंदे यांनी आपले मतं आणि विचार मांडले. यादरम्यान विरोधकांवर त्यांनी निशाणा देखील साधला. या कार्यक्रमा दरम्यान मीडियाशी संवाद साधताना ते म्हणाले की “प्रत्येक गावा-गावातून, घरातून नागरिक ‘माझी माती, माझा देश’ कार्यक्रमाशी जोडले गेले आहेत. इथून आज विशेष ट्रेन दिल्लीकडे रवाना होईल, आणि हे सारे कलश तिथे एकत्र जमा होतील. लंडनहून छत्रपती शिवाजी महाराजांची वाघनखं आणण्यात येणार आहेत, याबद्दलच्या प्रश्नालाही मुख्यमंत्री एकनाथ शिंदे यांनी उत्तर दिलं. मुख्यमंत्री पुढे असंही म्हटले की “आमचे मंत्री सुधीर मुनगंटीवार स्वत: लंडनला गेले. शिवाजी महाराजांची जी वाघनखं आहेत, त्याला मोठा इतिहास आहे आणि ती वाघनखं आपल्या भारत देशात,महाराष्ट्रात आणणं प्रत्येक देशवासियासाठी गौरवास्पद आणि अभिमानास्पद आहे, प्रत्येकाल हेवा वाटावं असं हे देशाभिमानी काम आहे”
छत्रपती शिवाजी महाराजांच्या नव्या पुतळ्यासंदर्भात मुख्यमंत्री एकनाथ शिंदे यांनी यावेळी मोठी घोषणा केली. “भारत-पाकिस्तान सीमेवर छत्रपती शिवाजी महाराजांचा भव्य असा अश्वारुढ असलेला पुतळा उभारला जाणार आहे. आम्ही हा पुतळा महाराष्ट्रातून तिकडे पाठवला आहे आणि हा कार्यक्रम लवकरच होईल, पाकिस्तानला देखील शिवाजी महाराजांच्या तलवारीची भीती वाटेल असं देखील मुख्यमंत्री बोलले.
“काही लोक आमच्या सरकारच्या प्रत्येक कामाबद्दल विरोध, मत्सर,द्वेष व्यक्त करतात, त्यावर देखील त्यांनी आक्षेप घेतला आहे. या वाघनखांबद्दल शंका व्यक्त करणं हे दुर्देव आहे. शंका व्यक्त करणाऱ्या या लोकांनी छत्रपती शिवाजी महाराजांचा आदर्श सोडला असून अफजलखानाचा आदर्श स्वीकारलेला दिसतोय” अशी टीका मुख्यमंत्री एकनाथ शिंदे यांनी केली. पुढे ते असंही म्हटले की “सांस्कृतिक विभाग आपलं काम करेल. वाघनखं ही परत आणली जातील. छत्रपती शिवाजी महाराजांच्या पदस्पर्शाने पावन झालेली प्रत्येक वस्तू आम्ही परत आणण्याचा मनापासून प्रयत्न करु”
हे ही वाचा :
वाधवान बंधूंची ७० कोटींची मालमत्ता आणि महागड्या वस्तू ईडीकडून जप्त
‘एकदा येऊन तर बघा’ चित्रपटातील आली ‘आली गं भागाबाई’ गाणं प्रेक्षकांच्या भेटीला
