बीड जिल्ह्यातील मस्साजोग गावाचे सरपंच हत्याप्रकरणात सतत धनंजय मुंडे यांचे निकटवर्तीय वाल्मिक कराडच नाव समोर येत होत. अखेर आज वाल्मिक कराड हा पुण्यात पोलिसांच्या शरणात आला आहे. संतोष देशमुख कुटुंबियांच्या न्यायासाठी सर्वच वर्गातून मागणी केली जात आहे. राज्य सरकारनेही आदेश दिल्यानंतर सीआयडीकडून गतीने तपास सुरू आहे. तो शरण आल्यानंतर पोलिसांनी त्याला अटक केली. त्याला वैद्यकीय चौकशी करण्यासाठी पाठवण्यात आले. त्यानंतर त्याला बीड मध्ये रावण करण्यात आले. अशी माहिती सीआयडीचे पोलीस उपमहानिरीक्षक सारंग आव्हाड यांनी दिली आहे.
केज कोर्टात आज सुनावणी करण्यासाठी वाल्मिक कराडला बीडला रवाना करण्यात आले आहे. केज कोर्टात आज सुनावणी करण्यासाठी सीआयडी तर्फे विनंती केली असता न्यायालयाने ही विनंती मान्य केल्याची माहिती पुढे आली आहे. वाल्मिक कराडच्या रिमांडसाठी आजचं केज जिल्हा व अतिरिक्त सत्र न्यायालयात सुनावणी होणार आहे. आज संध्याकाळी 7.30 नंतर सुनावणीसाठी सीआयडीने विनंती केली होती. या विनंतीला न्यायालयाने मान्यता दिली आहे. त्यामुळे आता या प्रकरणी नेमकी काय सुनावणी होते याकडे सऱ्यांचे लक्ष लागले आहे.
शरण येण्यापूर्वी पोस्ट केलेला व्हिडीओत काय म्हंटल
मी वाल्मीक कराड केज पोलीस स्टेशनमध्ये माझ्या विरोधात खोटी खंडणीची फिर्याद दाखल झाली आहे. मला अटकपूर्व अधिकार असताना मी सीआयडी ऑफिस पुणे पाषाण येथे सरेंडर होत आहे. संतोष देशमुख यांचे जे कोणी मारेकरी असतील त्यांना अटक करावी आणि त्यांना फाशीची शिक्षा द्यावी. राजकीय रोषापोटी माझं नाव त्यांच्याशी जोडले जात आहे, पोलीस तपासाचे निष्कर्ष येतील. त्यात मी जर दोषी दिसलो तर मला शिक्षा द्यावी ती मी भोगायला तयार आहे असं वाल्मीक कराड यांनी स्वतः शेअर केलेल्या व्हिडिओमध्ये म्हटले आहे.
हे ही वाचा:
लाचखोर वनक्षेत्रपालाच्या घराची झडती; 57 तोळं सोनं अन् 1 कोटी 31 लाखांची कॅश
“आता खरी मजा आहे”, Manoj Jarange Patil यांची Devendra Fadnavis यांच्यावर टीका
