भाजपाचे आमदार सुरेश धस यांनी बीड जिल्ह्याचे पालकमंत्रिपद हे फडणवीसांनी घ्यावी अशी मागणी करणार असल्याचे वक्तव्य केले होते. आता राष्ट्रवादी काँग्रेस पक्षाचे खासदार बजरंग सोनावणे यांनी बीड जिल्ह्याचे पालकमंत्रिपद उपमुख्यमंत्री अजित पवार यांनी घ्यावे असे वक्तव्य बजरंग सोनवणे यांनी केली आहे.
पुढे ते बोलले, लोकशाहीच्या चौथा स्तंभ असलेल्या मीडियाला या तपास बाबतीत कोणतीही माहिती दिली जात नाही. लोकप्रतिनिधी म्हणून मला देखील माहिती मागितल्यावर दिली जात नाही. पण किमान 24 तासानंतर तर माहिती जाहीर केली पाहिजे. आरोप असलेल्या लोकांचे सरकारमधील पक्षाशी संबंध आहेत, त्यामुळे संशय बाळवत आहे, असे देखील सोनावणे म्हणाले आहे.
अमित शाह स्वतः तपासावर लक्ष ठेवून आहेत, त्यामुळे बरं चाललं आहे
कोणत्या लोकप्रतिनिधीने CID कडे तपास द्यावा अशी मागणी केली होती? मी CBI कडे तपास द्या अशीच मागणी केली होती असे सोनावणे म्हणाले. या संदर्भात मी केंद्रीय गृहमंत्री अमित शाह यांच्याकडे मागणी केली होती. त्यांनी तसा शब्द दिला होता. अमित शाह स्वतः तपासावर लक्ष ठेवून आहेत, त्यामुळे बरं चाललं आहे, नाहीतर हे कुठं गेलं असतं माहित नाही असेही सोनावणे म्हणाले. संतोष देशमुख यांच्या हत्येला 22 दिवस झालेत, पण आरोपी अद्यापही सापडले नाहीत, आधी आरोपी तर अटक करा. मास्टर माईंड कोण आहेत हे पोलिसांनी शोधावं मी नावं घेणार नाही, असं बजरंग सोनावणे म्हणाले.
पोलीस स्टेशनचे निरीक्षक काय धंदे करतात?
धनंजय मुंडे यांनी स्वतः सांगितलं की खंडणीतील आरोपी आणि माझे संबंध आहेत. त्यांनी मुख्यमंत्र्यांची भेट का घेतली हे माहिती नाही, त्याच्यावर तेच स्पष्ट सांगू शकतील. बीडमधल्या जन्मलेला मुलालाही माहिती की इथ काय घडतंय. महाराष्ट्राच्या जनतेसाठी मी सांगतो की बीडमध्ये कायदा आणि सुव्यवस्था राहिलेली नाही. कायदा आणि सुव्यवस्था राखायचे असेल तर एसपी बदला असे मी सांगितले होते. मुख्यमंत्र्यांचे आभार त्यांनी एसपी बदलले असेही सोनावणे म्हणाले. पण केवळ एसपी बदलून चालणार नाही. नवीन एसपींना माझ सांगण आहे की, पोलीस स्टेशनचे निरीक्षक काय धंदे करतात? त्यांना देखील बदलणे गरजेचं असल्याचे बजरंग सोनावणे म्हणाले.
पुढे ते बोलले, गणेश मुंडे नावाचा पीआय, त्याने काय गिफ्ट दिलंय माहिती नाही, एक दिवशी जातो पुन्हा येतो, आरोपी सोबतही असतो. दरम्यान, मुख्यमंत्री देवेंद्र फडणवीस बीडचे पालकमंत्री घेऊ शकतात की नाहीत हे माहिती नाही. पालकमंत्री कोणाला द्यावं हा त्यांचा प्रश्न आहे. पण अजितदादांना किमान त्यांचे सोंगाडी काय करतात बीड जिल्ह्यात हे पाहण्यासाठी तर पालकमंत्री पद घ्यावं असा टोला सोनावणे यांनी लगावला. कायदा आणि सुव्यवस्था काय असते हे अजित पवार दाखवू शकतात असेही सोनावणे म्हणाले.
हे ही वाचा:
लाचखोर वनक्षेत्रपालाच्या घराची झडती; 57 तोळं सोनं अन् 1 कोटी 31 लाखांची कॅश
“आता खरी मजा आहे”, Manoj Jarange Patil यांची Devendra Fadnavis यांच्यावर टीका
