कल्याणमध्ये एका मुलीचा आधी अपहरण केलं त्यानंतर अत्याचार करून हत्या करण्यात आली. या प्रकरणातील आरोपी विशाल गवळीवर अनेक गुन्हे दाखल आहेत. या आरोपीने या आधीही अश्याच प्रकारचा गुन्हा खेळायचं समोर आलं आहे. २०२३ ला त्याने एका शाळकरी मुलीवर भररस्त्यात अतिप्रसंग केला होता. या शाळकरी मुलीच्या आईने ही माहिती दिली आहे.
नेमक काय घडलं?
२०२३ ला विशाल गवळीने एका शाळकरी मुलीवर भररस्त्यात अतिप्रसंग केला होता. या घटनेबद्दल पीडित मुलीच्या आईने सांगितलं आहे. माझी मुलगी ही तब्येत बिघडल्यामुळे शाळेतून लवकर घरी येत होती. विशाल गवळीने माझ्या मुलीला मागून येऊन तिचे तोंड पकडले आहे. पण कसंतरी करून मुलगी त्याच्या तावडीतून सुटली. त्या ठिकाणी उपस्थित इतर दोन – तीन लोक होते. पण त्यांनी काहीही हस्तक्षेप केला नाही. नंतर माझे पती आणि मुलगा जाब विचारण्यासाठी गेले असता त्याने त्यांनाच मारहाण केली. या घटनेनंतर आम्ही स्थानिक नगरसेवकाकडे गेलो मात्र नगरसेवकांनी यात काहीही करू शकत नाही असं सांगत पोलिसांत तक्रार दाखल करण्यास सांगितलं. त्यानंतर पोलीस ठाण्यात तक्रार दिली आणि त्याला या प्रकरणी विशाल गवळीला शिक्षा झाली. पण दोन महिन्यात तो बाहेर आला. आरोपीची या भागात दहशत असल्याचं पीडितेच्या आईने सांगितलं. या भागातील मुलींचा पाठलाग करणे, लोकांना शिव्या देणे आणि मारणे अशी कामे आरोपी करत असल्याचं पीडितेच्या आईने सांगितलं.
कल्याणमध्ये केलेल्या गुन्ह्यात विशाल गवळीला अटक करण्यात आली आहे. त्याच्या पत्नी साक्षी गवळीला देखील अटक करण्यात आली आहे. दोघांना २ जानेवारीपर्यंत पोलीस कोठडीत सुनावण्यात आली आहे. सुरुवातीला तो ठाणे क्राईम ब्रांचच्या ताब्यात होता, त्यानंतर त्याला कोळशेवाडी पोलिसांच्या ताब्यात देण्यात आलं. पोलिसांनी त्याला कल्याण कोर्टात हजर केलं असता सात दिवसांची पोलीस कोठडी सुनावण्यात आली.
विशाल गवळीवर अनेक गुन्हे दाखल
विशाल गवळी हा बदलापूरच्या अक्षय शिंदे पेक्षाही विकृत असल्याचा समोर आला आहे. विशाल गवळीच्या दोन बायका त्याला सोडून गेल्या आणि तिसरी बायको खासगी बँकेत नोकरीला आहे. बलात्कार,बलात्काराचा प्रयत्न, छेडछाड, लैगिंक शोषण असे अनेक गुन्हे विशालवर दाखल आहेत. कल्याण पूर्व परिसरात त्याची दहशत आहे. त्याच्या दहशतीमुळे काही कुटुंबांनी स्थलांतर देखील केलं आहे. विशाल गवळी या विकृताला राजकीय वलय असल्याची माहिती देखील समोर आली आहे.
हे ही वाचा:
Eknath Shinde Live: विधानसभेत मिळालेला विजय ऐतिहासिक, मी कॉमन मॅन म्हणून….काय म्हणाले एकनाथ शिंदे?
लोकसभेच्या निवडणूकीतून आम्ही जे शिकलो तसं महाविकास आघाडीने शिकलं पाहीजे: Chandrashekhar Bawankule
