सरकारच्या शिष्टमंडळाने आज सकाळी रुग्णालयात जाऊन मनोज जरांगे पाटील यांची भेट घेतली. मनोज जरांगे पाटील हे छत्रपती संभाजी नगर शहरातील गॅलेक्सी हॉस्पिटल येथे उपचारासाठी दाखल झाले असून आज छत्रपती संभाजी नगर जिल्ह्याचे पालकमंत्री संदिपान भुमरे यांनी मनोज जरांगे पाटील यांची भेट घेतली. तर मनोज जरांगे पाटील यांना सरकारच्या शिष्टमंडळाकडून जीआरची कॉपी सुपूर्द करण्यात आली आहे. या शिष्टमंडळामध्ये मंत्री अतुल सावे, संदीपान भुमरे होते. मुदतीच्या तारखेचा घोळा दूर करण्यासाठी ही भेट घेण्यात आली. आरक्षणाचा निर्णय घेण्यासाठी सरकारकडे २४ डिसेंबरपर्यंतची मुदत आहे. तर मुख्यमंत्री एकनाथ शिंदे २ जानेवारीची तारीख सांगत होते. तारखेचा हा घोळ दूर करण्यासाठी शिष्टमंडळाने मनोज जरांगे पाटील यांची भेट घेतली. यानंतर मनोज जरांगे पाटील यांनी माध्यमांशी संवाद साधला आहे.
तसेच यावेळी माध्यमांशी बोलत असताना आमदार संदीपान भुमरे म्हणाले आहेत की, “तारखेच्या विषयात २४ डिसेंबर आणि २ जानेवारी यात फार फरक नाहीय. ५-६ दिवसांचा फरक आहे. त्याने काही जास्त फरक पडणार नाही. त्याच्या आतही सरकारच काम होऊ शकतं. समाज बांधवांना न्याय कसा देता येईल हे जास्त महत्त्वाच आहे”. तर यावेळी मनोज जरांगे पाटील म्हणाले आहेत की, सरकारचा जीआर अध्यादेश पाहिल्यानंतर मनोज जरांगे पाटील यांनी प्रतिक्रिया दिली. “जे आहे ते खरं बोला, आणखी पंधरा दिवस घ्या, पण खोटं बोलू नका. मी जातीतसाटी टोकाचा माणसू आहे” असं ते म्हणाले. “शिंदे समिती आधी एका विभागासाठी मराठवाड्यासाठी काम करत होती. एका भाऊ ऊपाशी राहणार, मग समाजाला न्याय कसा मिळणार?. जीआरमधून स्पष्ट झालय. समितीची कार्यकक्षा आता वाढवण्यात आलीय. थोडा वेळ घ्या, लेट द्या पण संपूर्ण महाराष्ट्राला द्या” या मागणीचा मनोज जरांगे पाटील यांनी पुनरुच्चार केला. “सरकारने तातडीने पावलं उचलली, समितीची कार्यकक्षा वाढवली. मनुष्यबळ सुद्धा वाढवलं. शिंदे समिती, राज्य मागासवर्ग आयोग यावर काम करणार ही मराठा समाजासाठी चांगली बाब आहे” असं मनोज जरांगे पाटील म्हणाले.
“आता मनोज जरांगे पाटील यांची प्रकृती चांगली आहे. पण काल त्यांची तब्येत बिघडली होती” असं संदीपान भुमरे म्हणाले. जरांगे पाटील यांना मुंबईला उपचारासाठी घेऊन जाण्याच्या प्रश्नावर ते म्हणाले की, “डॉक्टर जे सांगितलं, ते ऐकाव लागेल. डॉक्टरांच्या पुढे जाता येणार नाही. मुंबईला चांगल्या सोयी-सुविधा आहेत. तिथे जायचं की नाही हे जरांगे पाटील यांच्यावर आहे”
हे ही वाचा :
फुलंब्रीकर कुटुंब कसं आहे,हे जाणून घ्यायचंय तर या कुटुंबाला एकदा येऊन तर भेटा!
शाहरुखच्या ‘डंकी’ मध्ये झळकल्या ‘या’ प्रसिद्ध मराठी अभिनेत्री
