PM Narendra Modi LIVE: राज्यात आता विधानसभा निवडणुकांचे (Maharashtra Vidhansabha Election 2024) वारे वेगाने वाहू लागले आहेत. निवडणूक आयोगाने (Election Commission) मंगळवारी (१५ ऑकटोबर) पत्रकार परिषद घेत महाराष्ट्र विधानसभा निवडणुकीचा कार्यक्रम जाहिर केला. राज्यात २० नोव्हेंबर रोजी मतदान पार पडणार असून २३ नोव्हेंबर रोजी मतमोजणीची प्रक्रिया पार पडून निकाल जाहीर होणार आहेत. राज्यातील सर्वच पक्ष या अनुषंगाने आता मैदानात उतरले असून आगामी विधानसभा निवडणुकीच्या पार्श्वभूमीवर तयारीला लागले आहेत. अश्यातच, आज (शनिवार, ९ नोव्हेंबर) महायुतीची सभा अकोला विधानसभा मतदारसंघातून पार पडत आहे. यावेळी पंतप्रधान नरेंद्र मोदी हे उपस्थित आहेत. उपस्थितांशी संवाद साधत त्यांनी महाविकास आघाडीसह काँग्रेसवर जोरदार हल्लाबोल केला.
यावेळी उपस्थितांशी संवाद साधत ते म्हणाले, “निवडणुकीच्या वेळी मी ७० वर्षांवरील ज्येष्ठ नागरिकांना मोफत उपचार देण्याचे आश्वासन दिले होते. आमच्या सरकारने वृद्धांच्या सेवेसाठी ही योजना सुरू केली आहे. ७० वर्षांवरील वृद्धांना वय-वंदना आयुष्मान कार्ड मिळू लागले आहे. सबका साथ-सबका विकास या भावनेसोबतच या योजनेचा लाभ प्रत्येक वर्गातील, प्रत्येक समाजातील आणि प्रत्येक धर्मातील ज्येष्ठांना मिळणार आहे.”
“महाराष्ट्रातील जनतेची जी मागणी काँग्रेस आणि आघाडीने अनेक दशके पूर्ण होऊ दिली नाही, ती मोदींनी पूर्ण केली आहे. मराठीला अभिजात भाषेचा दर्जा देण्याचे सौभाग्य आपल्याला लाभले आहे. मराठीला तो मान मिळाला आहे, जो संपूर्ण महाराष्ट्राचा अभिमान आहे. महायुती सरकारची पुढील ५ वर्षे कशी असतील, याची झलक महायुतीच्या वचननाम्यात पाहायला मिळते. महिलांची सुरक्षा आणि महिलांना संधी, माझी लाडकी बहिन योजनेचा विस्तार, तरुणांना लाखो नोकऱ्या, मोठी विकासकामे. महायुतीचे सरकार महाराष्ट्राचा विकास दुप्पट वेगाने पुढे नेणार आहे.”
“महायुतीच्या जाहीरनाम्यामध्ये महाआघाडीच्या घोटाळ्याचे पत्रही आले आहे. आता संपूर्ण देशाला माहित आहे. महाआघाडी म्हणजे भ्रष्टाचार! महाआघाडी म्हणजे हजारो कोटींचा घोटाळा! महाआघाडी म्हणजे पैशांची उधळपट्टी! महाआघाडी म्हणजे टोकन मनी! महाआघाडी म्हणजे बदली-पोस्टिंगचा धंदा.”
“जिथे काँग्रेसचे सरकार बनते ते राज्य काँग्रेसच्या राजघराण्याचे एटीएम बनते. आजकाल हिमाचल, तेलंगणा आणि कर्नाटक ही राज्ये काँग्रेसच्या राजघराण्याची एटीएम बनली आहेत. आजकाल महाराष्ट्रात निवडणुकांच्या नावाखाली कर्नाटकातील संकलन दुप्पट झाले आहे, महाराष्ट्रात निवडणुका आहेत आणि कर्नाटक आणि तेलंगणामध्ये संकलन दुप्पट झाले आहे, असे लोक म्हणत आहेत. या लोकांनी कर्नाटकातील दारू दुकानदारांकडून 700 कोटी रुपये वसूल केल्याचा आरोप आहे.”
हे ही वाचा:
PM Narendra Modi LIVE: शेतकरी स्वत: इतका खंबीर असला पाहिजे की… अकोल्यातून पंतप्रधानांचे मोठे वक्तव्य
अमित शाहच्या बोलण्यातून देवेंद्र फडणवीसांना मुख्यमंत्री करण्याचा मानस जाहीर; जयंत पाटील म्हणाले…
