काँग्रेस नेत्या प्रियांका गांधी यांनी केरळमधील वायनाडमधून पोटनिवडणूक जिंकली होती. त्यांनी आज खासदार म्हणून शपथ घेतली. प्रियांका गांधी जेव्हा पद आणि गोपनीयतेची शपथ घेत होत्या, तेव्हा त्यांचे भाऊ राहुल आणि आई सोनिया गांधी देखील खासदार म्हणून तिथे उपस्थित होते.
यावेळी त्यांचा मुलगा आणि मुलगी रेहान वाड्रा आणि मिराया वाड्रा संसदेत पोहोचले होते. “मी खूप आनंदी आहे,” काँग्रेस नेत्या प्रियंका गांधी वड्रा यांनी त्यांची आई आणि राज्यसभा खासदार सोनिया गांधी यांनी खासदार म्हणून शपथ घेण्यापूर्वी सांगितले.लोकसभा अध्यक्ष ओम बिर्ला यांनी प्रियंका गांधी यांचे नाव घेताच ते संविधानाचे पुस्तक हातात घेऊन तेथे पोहोचले आणि त्यांनी शपथ घेतली. वायनाडमध्ये, राहुल गांधींनी सोडलेल्या जागेवरील वायनाड पोटनिवडणूक प्रियांका गांधी यांनी ४ लाखांहून अधिक मतांनी जिंकली आहे. अशाप्रकारे आजपासून गांधी घराण्यातील ३ व्यक्ती संसदेत दिसणार आहेत.
याआधी बुधवारी केरळ काँग्रेसच्या नेत्यांनी प्रियंका गांधी यांना विजयाचे प्रमाणपत्र दिले होते. वायनाड पोटनिवडणुकीत प्रियंका गांधींना ६ लाख २२ हजार ३३८ मते मिळाली. तर सीपीआयचे उमेदवार सत्यम मोकेरी दुसऱ्या स्थानावर आहेत. त्यांना २ लाख ११४०७ मते मिळाली. या पोटनिवडणुकीत भाजप तिसऱ्या क्रमांकावर राहिला. भाजपच्या उमेदवार नव्या हरिदास यांना त्यांच्या खात्यात १ लाख ९९९३९ मते पडली आहेत. काँग्रेस खासदार शशी थरूर म्हणाले, “मी खूप आनंदी आहे कारण आम्ही तिच्यासाठी प्रचार केला. ती जिंकली याचा मला आनंद आहे. तुम्ही बघू शकता की, तिने केरळची साडी नेसली आहे.”
हे ही वाचा:
Eknath Shinde Live: विधानसभेत मिळालेला विजय ऐतिहासिक, मी कॉमन मॅन म्हणून….काय म्हणाले एकनाथ शिंदे?
लोकसभेच्या निवडणूकीतून आम्ही जे शिकलो तसं महाविकास आघाडीने शिकलं पाहीजे: Chandrashekhar Bawankule
