Santosh Deshmukh Murder Case Update: सरपंच संतोष देशमुख हत्या प्रकरणाबाबत आतापर्यंत सहा जणांना अटक झाली असून कृष्णा आंधरे हा आरोपी अजूनही फरार आहे.
बीडच्या मस्साजोग गावातील सरपंच संतोष देशमुख (Santosh Deshmukh) यांच्या प्रकरणाती मुख्य आरोपी सुदर्शन घुले (Sudharshan Ghule) याच्यासह सुधीर सांगळेला (Sudhir Sangle) शुक्रवारी ३ जानेवारीला पुण्यातून ताब्यात घेतले आहे. गेल्या 22-23 दिवसांपासून सुदर्शन घुले आणि सुधीर सांगळे फरार होते. याप्रकरणी पोलिसांनी कालच एका डॉक्टरला ताब्यात घेतलं होतं. याच डॉक्टर वायबसे यांनी आरोपी सुदर्शन घुलेला पळून जाण्यात मदत केल्याचा संशय पोलिसांना होता. त्यानंतर आता काहीवेळापूर्वीच पोलिसांनी आरोपी सुदर्शन घुले आणि सुधीर सांगळे यांना अटक केली आहे. त्यामुळे आता या प्रकरणी फक्त एका आरोपीची अटक बाकी आहे. त्या आरोपीचं नाव कृष्णा अंधारे आहे जो अजूनही फरार आहे.
सुधीर सांगळे आणि सुदर्शन घुलेला ताब्यात घेतल्यानंतर पोलिसांनी अटक केलेल्या या प्रकरणातील आरोपी प्रतिक घुलेची (Pratik Ghule) एक जुनी पोस्ट व्हायरल होत आहे. महत्वाचं म्हणजे प्रतिक घुलेने पोस्ट केली आहे त्याचदिवशी संतोष देशमुख यांची हत्या झाली होती. घुलेने ही पोस्ट शेयर करत त्यात असं लिहिलंय नाव खराब केल्याने नाव संपत नस्तय भुरट्या…बाप हा बापचं असतो #सुदर्शन भैय्या घुले #3333 #विरोधकांचा बाप अशी पोस्ट प्रतिक घुलेने केलीय. तसेच ९ डिसेंबर रोजी संतोष देशमुख यांचे अपहरण झाले. अपहरण करण्यासाठी वापरण्यात आलेल्या काळ्या स्कॉर्पिओचा क्रमांक 333 आहे. हा योगायोग नाही तर नेमकं प्रकरण काय हे लवकरच चौकशीतून स्पष्ट होणार आहे.
कोण आहे हा सुदर्शन घुले?
बीडच्या मस्साजोग गावातील सरपंच संतोष देशमुख यांच्या प्रकरणाती मुख्य आरोपी सुदर्शन घुले हा बीडमधील केजचा टाकळी गावचा रहिवाशी आहे. आरोपी सुदर्शन घुले 27 वर्षांचा युवक आहे. सुदर्शनचं इयत्ता सातवीपर्यंत शिक्षण झाले आहे. सुदर्शन घुलेची राजकारण चांगली ओळख असल्याकारणाने १० वर्षात १० गुन्हे दाखल आहेत. तर फरार आरोपी कृष्णा अंधारेवर ४ वर्षात ६ गंभीर गुन्हे दाखल आहेत. कृष्णा अंधारेची वाल्मिकी कराड याचा खास विष्णू चाटे याच्यासोबत चांगली ओळख आहे, राजकीय नेते, पक्षाचे काम करणे, व्यवहार सांभाळणे अशा कामात तो तरबेज असल्याचे गावकरी सांगतात.
हे ही वाचा:
लाचखोर वनक्षेत्रपालाच्या घराची झडती; 57 तोळं सोनं अन् 1 कोटी 31 लाखांची कॅश
“आता खरी मजा आहे”, Manoj Jarange Patil यांची Devendra Fadnavis यांच्यावर टीका
