Chhagan Bhujbal : नाराज छगन भुजबळ नाशिकला परतले आहेत. मुख्यमंत्र्यांच्या भेटीनंतर भुजबळ कुटुंबियांसह परदेशवारीसाठी गेले होते. आता ते मायदेशी परतले असून पुढे नेमकी काय भूमिका घेणार याकडे संपूर्ण जनतेचे लक्ष आहे.
राज्य मंत्रिमंडळातून छगन भुजबळ यांना डावलल्यानंतर राष्ट्रवादी अजित पवार गटाचे ज्येष्ठ नेते छगन भुजबळ (Chhagan Bhujbal) हे नाराज असल्याच्या चर्चा राजकारणात रंगल्या असतानाच उपमुख्यमंत्री अजित पवार (Ajit Pawar) यांच्यावर जोरदार हल्लाबोल केला जात आहे. काही दिवसांपूर्वीच छगन भुजबळ यांनी मुख्यमंत्री देवेंद्र फडणवीस (Devendra Fadnavis) यांची भेट घेतली होती. त्यानंतर भुजबळ कुटुंबियांसह परदेशवारीसाठी गेले होते. आज परदेशवारीनंतर ते नाशिकमध्ये परतणार आहेत.
मंत्रीपद न मिळाल्यामुळे छगन भुजबळ नाराज आहेत. त्याचबरोबर उपमुख्यमंत्री अजित पवारांवर नाराज असणाऱ्या भुजबळांनी काही दिवसांपूर्वी मुख्यमंत्र्यांची भेट घेतली. या भेटीनंतर मुख्यमंत्री देवेंद्र फडणवीस प्रसार माध्यमांशी बोलताना सांगितले महायुतीच्या मागे ओबीसीचे पाठबळ मोठ्या प्रमाणावर लाभले आहे. ओबीसीचा पाठिंबा कायम महायुतीसोबत राहणार, कुठल्याही परिस्थितीत आम्ही साथ सोडणार नाही. कोणतेही नुकसान होऊ देणार नाही, असे आश्वासन देवेंद्र फडणवीस यांनी दिले आहे.
छगन भुजबळ आज नाशिकमध्ये परतणार
मुख्यमंत्र्यांच्या भेटीनंतर भुजबळ कुटुंबियांसह परदेशवारीसाठी गेले होते.ते परदेशवारीनंतर आज दुपारी नाशिकमध्ये पोहोचणार आहे. सावित्रीबाई फुले यांच्या जयंती निमित्ताने रात्री साडेनऊ वाजता महात्मा फुले आणि सावित्रीबाई फुले यांच्या पुतळ्याला ते अभिवादन करू उद्या सकाळी सातारा आणि त्यानंतर पुण्याच्या दौऱ्यावर रवाना होणारआहेत. परदेशातून परतल्यानंतर छगन भुजबळ नेमकी काय भूमिका घेणार? हे पाहणे महत्त्वाचे ठरणार आहे.
हे ही वाचा:
लाचखोर वनक्षेत्रपालाच्या घराची झडती; 57 तोळं सोनं अन् 1 कोटी 31 लाखांची कॅश
“आता खरी मजा आहे”, Manoj Jarange Patil यांची Devendra Fadnavis यांच्यावर टीका
