Rohit Sharma : रोहित शर्मा ऑस्ट्रेलियात कसोटी मालिकेसाठी जाणार की नाही याबाबत चर्चा रंगलेली आहे. कारण त्याच्या घरी पाहुण्याचं आगमन होणार होतं. त्यामुळे सर्व काही संभ्रमात होते. अखेर १५ नोव्हेंबरला रोहित शर्माच्या घरी लहान पाहुण्याचं आगमन झालं आहे. रोहित शर्माने याबाबतची माहिती सोशल मीडियावरून दिली आहे. ही बातमी वाचून अनेकांनी सोशल मीडियावर अभिनंदनाचा वर्षाव सुरु केला आहे. पण आता प्रश्न असा आहे रोहित शर्मा ऑस्ट्रेलियाला जाणार की नाही? सध्या तरी असंच समजत आहे की रोहित शर्मा जाणार नाही. कारण यावर कोणती बातमी समोर आलेली नाही दुसरीकडे, टीम इंडियाचा माजी कर्णधार सौरव गांगुलीने रोहित शर्माला थेट सांगितलं की, पर्थ टेस्ट खेळणं आवश्यक आहे. तसेच त्याच्या एका विधानाने क्रीडाविश्वात चर्चेला उधाण आलं आहे. भारत आणि ऑस्ट्रेलिया यांच्यात २२ नोव्हेंबरला पहिला कसोटी सामना खेळला जाणार आहे. पण घरात पाहुणा येणार असल्याने रोहित शर्मा टीम इंडियासोबत ऑस्ट्रेलियाला गेला नाही.
टीम इंडिया रेवस्पोर्ट्सशी बोलताना सौरव गांगुलीने सांगितलं की, टीम इंडियाला रोहित शर्माच्या नेतृत्वाची गरज आहे. तो एक चांगला कर्णधार आहे. आता तर मुलाचा जन्म झाला आहे आणि पर्थ कसोटीसाठी एका आठवड्याचा अवधी काही दिवस शिल्लक राहिला आहे. आता रोहित शर्मा पर्थला जाऊ शकतो. ही एक मोठी कसोटी मालिका आहे. यानंतर पुन्हा ऑस्ट्रेलियाचा दौरा करणार नाही.’ दरम्यान, रोहित शर्मा पहिला कसोटी सामना खेळणार नसल्याची माहिती सूत्रांनी दिली आहे. थेट दुसऱ्या कसोटीसाठी टीम इंडियासोबत असणार आहे. दुसरा कसोटी सामना ६ डिसेंबरला एडिलेडमध्ये सुरु होणार आहे.
सौरव गांगुलीपूर्वी माजी क्रिकेटपटू सुनील गावस्कर यांनीही रोहित शर्माला समजावले होते. त्यांनीही रोहित शर्माला असाच सल्ला दिला होता. गावस्कर यांनी सांगितलं होतं की, न्यूझीलंडविरुद्ध भारताने ३-० ने मालिका गमावली आहे. त्यामुळे पुढच्या मालिकेत सुरुवातीपासून टीम इंडियासोबत कर्णधार असायला हवा होता. जर रोहित शर्मा पहिली कसोटी खेळणार नसेल आणि मधेच कुठेतरी मालिकेत येणार असेल तर त्याने संपूर्ण मालिकेत खेळाडू म्हणून खेळावं . तसेच इतर खेळाडूकडे कर्णधारपदाची जबाबदारी सोपवावी असे सुनील गावस्कर सांगितले होते.
हे ही वाचा:
मनोज जरांगेनी सांगितले, विधानसभा निवडणुकीत कोणत्या पक्षाला किंवा अपक्षाला पाठिंबा…
अमित शाह यांनी उद्धव ठाकरे यांना दिले थेट आव्हान…, म्हणाले…
