नोएडामध्ये ग्रेटरच्या बिसरख कोतवाली परिसरात एक धक्कादायक घटना घडली आहे. आम्रपाली इमारतीमध्ये लिफ्ट कोसळून अपघात झाल्याची दुखत घटना घडली आहे. या अपघातात चार जणांचा जागीच मृत्यू झाला आणि पाच जण जखमी झाले आहते. यात चार कामगारांचा मृत्यू झाला तर पाच जखमी कामगारांना रुग्णालयात दाखल करण्यात आले आहे. या घटनेची माहिती मिळताच पोलीस व्यवस्थापन पथक घटना स्थळी दाखल झाले. त्यानंतर तिथे बचावकार्य सुरु आहे. यात जखमी झालेल्या कामगारांवर रुग्णालयात उपचार सुरु आहेत.
नोएडामध्ये गौर सिटी एक मूर्तीजवळ इमारतीचे काम सुरु होते. लिफ्टच काम सुरु असताना एक दुखत घटना घडली. या दुर्घटनेमध्ये चार जणांचा मृत्यू झाला आहे. सध्या या ठिकाणी बचावकार्य सुरु आहे. ही दुर्घटना घडली तेव्हा लिफ्ट कामगार आणि त्यांचे साहित्य होते. मृत कामगारांचे मृतदेह शवविच्छेदनासाठी पाठवण्यात आले आहे. सर्व मृत कामगार हे बिहारच्या किशनपूरच्या टभका गावात राहणारे होते.
ठाण्यातील बाळकुम परिसरात लिफ्ट कोसळून अशीच एक घटना घडली होती. रुणवाल आयरीन या इमारतीची ४० मजल्यावरून लिफ्ट कोसळली होती. यामध्ये कामगारांचा दुर्दैवी मृत्यू झाला. तर काही कामगार गंभीर जखमी झाले. नुकतंच बांधकाम पूर्ण झालेल्या इमारतीच्या छतावर वॉटरप्रुफिंगचे काम सुरू होतं. वॉटरप्रुफिंगचं हे काम संपवून कामगार खाली येत असताना हा अपघात झाला या संपूर्ण घटनेची माहिती मिळताच पोलीस आणि अग्निशमन दलाचे जवान घटनास्थळी दाखल झाले आणि लगेच बचावकार्य सुरू करण्यात आले.
हे ही वाचा:
तुम्ही हरतालिका व्रत पहिल्यांदा करत असाल तर ‘या’ गोष्टी घ्या जाणुन
ड्रग्स क्विन बेबी पाटणकरचे नवीन कारनामे आले समोर
