भारताचे पंतप्रधान नरेंद्र मोदी यांनी मंगळवारी (२३ मे) ऑस्ट्रेलियातील सिडनी येथे एका समुदाय कार्यक्रमाला संबोधित केले. यावेळी बोलत असताना ते म्हणाले की, मी २०१४ मध्ये आलो होतो तेव्हा मी तुम्हाला वचन दिले होते की, तुम्हाला २८ वर्षे भारताच्या कोणत्याही पंतप्रधानाची वाट पाहावी लागणार नाही. आज सिडनीमध्ये, या रिंगणात, मी पुन्हा उपस्थित आहे आणि मी एकटा आलेलो नाही. माझ्यासोबत पंतप्रधान अँथनी अल्बानीजही आले आहेत.
आज या कार्यक्रमाला लोक मोठ्या संख्येने उपथित होते. पंतप्रधान मोदीही लोकांमध्ये गेले. तसेच नरेंद्र मोदी यांनी भारत-ऑस्ट्रेलिया संबंधांवर देखील भाष्य केले आहे. यावेळी बोलत असताना मोदी म्हणाले आहेत की, एक काळ असा होता की 3C ने भारत आणि ऑस्ट्रेलिया यांच्यातील संबंध परिभाषित केले होते, हे तीन कॉमनवेल्थ, क्रिकेट आणि करी होते. त्यानंतर, ते 3D होते- लोकशाही, डायस्पोरा आणि मैत्री. जेव्हा ते 3E बनले तेव्हा ते ऊर्जा, अर्थव्यवस्था आणि शिक्षणाबद्दल होते, परंतु सत्य हे आहे की भारत आणि ऑस्ट्रेलिया यांच्यातील संबंधांची खरी खोली या सी, डी, ईच्या पलीकडे आहे. या नात्याचा सर्वात मजबूत आणि सर्वात मोठा पाया म्हणजे परस्पर विश्वास आणि परस्पर आदर आणि त्यामागचे खरे कारण भारतीय डायस्पोरा आहे.
ते म्हणाले की, न्यू साउथ वेल्समधील परदेशातील भारतीय समुदायातील अनेक लोक सार्वजनिक जीवनात सक्रियपणे सहभागी होऊन आपला ठसा उमटवत आहेत याचा मला आनंद आहे. त्याच वर्षी अहमदाबादमध्ये मला पंतप्रधान अँथनी अल्बानीजचे भारतीय भूमीवर स्वागत करण्याची संधी मिळाली. आज ते येथे “लिटिल इंडिया” गेटवेच्या पायाभरणीसाठी माझ्यासोबत सामील झाले आहेत. मी त्यांचे मनापासून आभार व्यक्त करतो.
हे ही वाचा:
मोठी बातमी! मी मुंबईत बॉम्बस्फोट…, ट्विटरवरून दिली धमकी
राज्यात २ भीषण अपघातांची नोंद, लग्नावरुन परतताना Amravati जवळ अपघात, ५ जणांचा मृत्यू
