Ganeshostav 2023 – गणपती बाप्पाच्या आगमनासाठी आता काहीच तास उरले आहेत. मोठ्या जल्लोषात आणि आनंदात गणपती बापाचे आगमन होणार आहे. बाप्पाचे आगमन झाल्यानंतर त्याची विधिवत पूजा केली जाते. त्यानंतर गोड पदार्थांचा नैवेद्य दाखवला जातो. तसेच आता मुंबईतील प्रतिष्ठित बाप्पाचे आगमन झाले आहे. मुंबईचा राजा, गिरगावचा राजा आणि चिंचपोकळीचा चिंतामणी या गणपतीचे आगमन झाले आहे. प्रत्येक राजाच्या दरबारात वेगवेगळे देखावे साकारण्यात आले आहेत. यावर्षी मुंबईच्या राजाच्या दरबारात शिवराज्याभिषेक सोहळ्याचा देखावा साकारण्यात आला आहे. विशेष म्हणजे यासाठी थेट रायगडावरुन माती आणून तिचे पूजन करण्यात येणार आहे.