अंजीर (fig) हे फळ चवीला गोड असते. त्यामध्ये व्हिटॅमिन ए (Vitamin A), सी, ई, के, बी6, लोह, पोटॅशियम (Potassium), मॅग्नेशियम (magnesium) आणि मॅंगनीज (Manganese) सारखे गुणधर्म आढळून येतात. अंजीर मध्ये फायबर आणि साखर मुबलक प्रमाणात आढळून येते. अंजीर खाल्ल्याने पचन, हृदयविकार, हाडांचे आरोग्य सुधारते. वजन कमी करण्यासाठी तुम्ही तुमच्या आहारात अंजीराचा समावेश करू शकता. आरोग्यासाठी सुखलेले अंजीरसुद्धा फायदेशीर आहेत. अंजीरमध्ये असलेला हर्बल गोडवा आणि त्यात आढळणारे गुणधर्म शरीरासाठी फायदेशीर आहेत.
अंजीर हे आरोग्यासाठी खूप फायदेशीर मानले जाते. अनेकदा नियमितपणे अंजीर खाण्याचा सल्ला दिला जातो. अंजीरचे अनेक आरोग्य फायदे आहेत.बद्धकोष्ठता आणि पोटाशी संबंधित समस्या कमी करण्यासाठी अंजीराचे सेवन केले जाते. अंजीरमध्ये फायबर योग्य प्रमाणात आढळून येते,ज्यामुळे नियमितपणे मलप्रवाह वाढवते.शरीर निरोगी ठेवण्यासाठी अंजिराचे सेवन केले जाते. याचे नियमित सेवन केल्याने शरीराला आवश्यक खनिजे मिळतात. जर तुम्हाला तुमचा लठ्ठपणा कमी करायचा असेल तर तुम्ही अंजीर खाणे हा एक चांगला पर्याय ठरू शकतो.अंजीरमध्ये झिंक, मॅंगनीज, मॅग्नेशियम आणि लोह चांगल्या प्रमाणात आढळून येते. त्यामुळे पुनरुत्पादक आरोग्यास प्रोत्साहन मिळते. मासिक पाळीच्या काळात सुखे अंजीर पाण्यात भिजवून ठेवून खाल्ल्याने मासिक पाळीच्या वेदनांपासून आराम मिळतो.अनेकदा डॉक्टर नियमित अंजीर खाण्याचा सल्ला देतात. अंजीर खाल्ल्याने वजन कमी होण्यास मदत होते.