सध्या उन्हाळा (Summer) सुरु झाला आहे. उन्हाळ्यात गरमीमुळे अनेकांना त्वचेचा त्रास होत असतो. त्यामुळे अनेक लोक हे सुती कपडे घालण्यावर भर देतात. सुती कपडे घालण्याचे अनेक फायदेही आहेत. सुती कपडे उन्हाळ्यात घातल्यामुळे खूप कम्फर्टेबल वाटते तसेच ते दिसायलाही सुंदर दिसतात. सुती कपड्यांचे बाजारात अनेक प्रकार सध्या उपलब्ध आहेत. कापसापासून सुती कपडे हे बनवले जातात. सुती कपड्यांमुळे शरीरातील हवा खेळती राहते. उन्हाळ्यामध्ये सुती कपडे घालणे हा एक उत्तम पर्याय आहे पण सुती कपड्यांचे फायदे हे खूप कमी जणांना माहित असतात. तर या माहिती मधून जाणून घेऊया सुती कपडे घालण्याचे फायदे.
- कापसापासून सुती कापड तयार केले जातात. कापूस हे शरीरातील घामामुळे झालेला ओलसरपणा काढून टाकण्यास मदत करते. कापसामुळे त्वचेचे गरम हवेमुळे रक्षण होते. सुती कापड हे उन्हाळ्यात आपल्या शरीराला थंडावा देण्याचे काम करते.
- सुती कपडे हे उष्णतारोधक असून ते बाहेरच्या उष्ण तापमानापासून आपल्या शरीराचे संरक्षण करतात. त्यामुळे आपली त्वचा ही आरोग्यदायी व उत्तम राहते.
- सुती कपडे हे क्षाररोधक असतात त्यामुळे ते शरीरातील घाम शोषून घेण्याचे महत्वाचे काम करतात. त्यामुळे आपल्याला घामामुळे होत असलेले त्वचेचे आजार देखील होत नाहीत.
- सुती कपड्यांचा वापर केल्याने आपल्या त्वचेवर कोणतीही ॲलर्जी होत नाही किंवा आपल्या शरीराला कोणतीही हानी पोहचत नाही.
- सुती कापड हे आपल्या शरीरासाठी हानिकारक असलेल्या सूक्षजीवांपासून त्वचेचे रक्षण करते.
- सुती कापडामुळे हवेचे अभिसरण चांगले होते. त्यामुळे शरीरातला ओलसरपणा कमी होतो.
- सुती कापड गरम हवेपासून आपल्या शरीराचे कायम रक्षण करतात. त्यामुळे सर्वानीच उन्हाळ्यात सुती कापड परिधान करण्यास प्राधान्य दिले पाहिजे.
- सुती कापड हे अतिशय मुलायम असतात त्यामुळे हे कापड परिधान केल्यावर आपल्याला आराम जाणवतो.
हे कापड हे अनेक प्रकारच्या त्वचेसाठी चांगले कापड आहे ज्यांची त्वचा संवेदनशील आहे त्यांनी तर सुटी कपडे घालण्यावर भर द्यावा.
हे सगळे फायदे लक्षात घेऊन तुम्ही सुद्धा सुती कपडे वापरण्यास सुरवात करा.