पुराच्या पाण्यातून मार्ग काढत दवाखाना गाठला
1 या 4
गेले अनेक दिवस महाराष्ट्रातल्या काही जिल्ह्यांमधील भागात धो धो पडणाऱ्या पावसामुळे पुराचे पाणी साचले आहे. त्यातच काळजात धस्स करणारे पुरातील काही फोटो समोर आले आहेत.
तापानं फणफणलेल्या आपल्या मुलाला कडेवर घेऊन बापाने पुरातून वाट काढल्याचं या फोटों मधून समोर आलं आहे. तापानं फणफणलेल्या मुलाला कडेवर घेऊन एका बापाने पुरातून वाट काढल्याची ही घटना चंद्रपूर जिल्ह्यातील असल्याचं समोर आले आहे.
पोराला वाचवण्यासाठी बापाने चक्क पुरसोबत दोन हात केल्याची घटना समोर आली आहे. तापानं फणफणलेल्या मुलाला कडेवर घेऊन त्याने दवाखान्यात जाण्याचा मार्ग पुराच्या पाण्यातून काढला.
गोंडपिपरी तालुक्यातील पोडसा गावातील आज सकाळची ही घटना असून या घटनेने ग्रामीण भागातील आरोग्य व्यवस्थेचे विदारक चित्र पुन्हा एकदा समोर आली आहे. गावापासून 5 किलोमीटर अंतरावर असलेल्या वेडगाव येथील खाजगी डॉक्टरचे घर त्यांनी गाठले.
