दाक्षिणात्य अभिनेता आणि KGF स्टार यशची चर्चा सगळीकडेच सुरु असते. यशचा मूळ स्वभाव हा अतिशय चांगला असल्याचे बोलले जाते. तसेच यश हा एक अभिनेत्यासह एक गायक सुद्धा आहे. यशचे खरे नाव नवीन कुमार गौडा असे आहे. यशचा जन्म ८ जानेवारी १९८६ रोजी कर्नाटकमध्ये झाला, आज यशचा वाढदिवस आहे आणि आज यश ३७ वर्षाचा होत आहे.
KGF फेम हिरो यशचे चाहते भारतातच नाही तर संपूर्ण जगभरात पसरले आहेत. कारण यशचे KGF भाग १ आणि KGF भाग २ या दोन्ही चित्रपटांनी खूप मोठ्या प्रमाणात कमाई केली आहे. यश अभिनित KGF या दोन्ही भागांनी बॉक्स ऑफीसचा रेकॉर्ड मोडला आहे.
सुपरस्टार यशाच्या KGF या चित्रपटाच्या दोन्ही भागांची भारतातील सर्वात जास्त कमाई करणाऱ्या चित्रपटांमध्ये नोंद करण्यात आली आहे. यशने २००७ मध्ये ‘जंबडा हुडुगी’ या कन्नड चित्रपटातून पदार्पण केले. KGF (KGF: Chapter 1) चित्रपटाच्या यशानंतर संपूर्ण जग त्याला रॉकी भाई या नावाने ओळखू लागले.
सुपरस्टार यशने KGF चित्रपटात काम करण्याआधी अनेक टेलिव्हिजन आणि चित्रपट प्रकल्पांमध्ये काम केले आहे. सुपरस्टार यशने ब्लॉकबस्टर ‘KGF’ फ्रँचायझीमध्ये ‘रॉकी’ हीरो म्हणून काम केले आहे, तेव्हापासून त्याने किंवा दक्षिण भारतीय राज्यातील सिनेमाने मागे वळून पाहिले नाही.
सुपरस्टार यशला गाड्यांची खूप आवड आहे. यशकडे एक कोटी किंमतीची Audi Q7 आणि ८० लाख रुपयांची रेंज रोव्हर, ७० लाख रुपयांची BMW, ४० लाख रुपयांची पजेरो स्पोर्ट्स, Mercedes Benz DLS (८५ लाख) आणि Mercedes Benz GLC (७८ लाख) या महागड्या कार देखील आहेत.
