बॉलीवूडची (Bollywood) नावाजलेली अभिनेत्री दीपिका पदुकोणची (Deepika Padukone) गणना बॉलीवूडच्या सर्वात ग्लॅमरस आणि सुंदर अभिनेत्रींमध्ये केली जाते. अभिनेत्री दीपिका पदुकोणचा (Deepika Padukone) जन्म ५ जानेवारी १९८६ रोजी कोपनहेगन ( Copenhagen), डेन्मार्क (Denmark) येथे झाला. दीपिकाचं पूर्ण नाव दीपिका प्रकाश पादुकोण असे असून दीपिकाचे वडील प्रकाश पदुकोण हे बॅडमिंटनपटू होते.
दीपिका एक वर्षाची असतानाच तिचे कुटुंब भारतातील बंगलोर येथे स्थलांतरित झाले. तिचे प्राथमिक शिक्षण हे बंगळुरूच्या सोफिया हायस्कूलमध्ये झाले आणि पुढील शिक्षण पूर्व-विद्यापीठ शिक्षण माउंट कार्मेल कॉलेजमध्ये पूर्ण केले . त्यानंतर तिने इंदिरा गांधी नॅशनल ओपन युनिव्हर्सिटी मधून समाजशास्त्रातील बॅचलर ऑफ आर्ट्स पदवी मिळवली.
सुरुवातीला दीपिकाचे ध्येय हे बॅडमिंटनपटू बनण्याचे होते, म्हणूनच किशोरवयात तिने राष्ट्रीय स्तरावरील चॅम्पियनशिपमध्ये बॅडमिंटन खेळले परंतु फॅशन मॉडेल बनण्यासाठी तिने खेळातील करिअर सोडले. तिला लवकरच चित्रपटातील भूमिकांच्या ऑफर मिळायला सुरुवात झाली. दीपिका ने २००६ साली इंद्रजित लंकेश दिग्दर्शित ऐश्वर्या या कन्नड चित्रपटातून सिनेसृष्टीत पदार्पण केल.
२००६ मध्येच दीपिका पदुकोणने शाहरुख खान स्टारर ओम शांती ओम या चित्रपटात मुख्य भूमिका साकारली. आणि या चित्रपटामुळेच दीपिकाला सिनेसृष्टीत आणि देशभरात मोठ्या प्रमाणात प्रसिद्धी मिळाली. पुढे जाऊन दीपिकाच्या कामामुळे तिचे सर्वत्र कौतुक होऊ लागले. आणि त्यानंतर बऱ्याच चित्रपटांमध्ये दीपिका प्रमुख भूमिकेत दिसू लागली होती. त्याचबरोबर चाहते दीपिका पदुकोणची गणना देशातील सर्वात ग्लॅमर्स अभिनेत्रीमध्ये करू लागले. अशाच या प्रसिद्ध आणि ग्लॅमर अभिनेत्रीचा आज वाढदिवस आहे.
दीपिकाने २००६ नंतर ‘ये जवानी हे दिवानी’ (YE JAVANI HE DIWNNI), ‘बाजीराव मस्तानी’ (BAJIRAW MASTANI), ‘राम लीला’ (RAM LILA ) यासारखे अनेक हिट चित्रपटांमध्ये मुख्य भूमिका साकारली आहे. त्याचबरोबर दीपिकाने गहराइयाँ या मालिकेच्या माध्यमातून OTT मध्ये पदार्पण केलं.
अभिनेत्री दीपिका पदुकोण ही सध्याची भारतातील सर्वाधिक कामे करणाऱ्या अभिनेत्र्यांपैकी एक आहे. आणि अभिनेता शाहरुख खान यांचा पठाण हा आगामी चित्रपट २५ जानेवारीला प्रेक्षकांच्या भेटीस येणार आहे.
