मेष : रोजगाराच्या शोधात असणाऱ्यांसाठी आजचा दिवस समाधानकारक राहील. काही प्रमाणात शारीरिक थकवा जाणवू शकेल . शेअर बाजार , लॉटरी यासारख्या क्षेत्रातून उत्पन्न वाढेल. व्यावहारिक जीवनात होणाऱ्या आर्थिक गळतीस थांबवण्यात्त उषा मिळेल. तुम्ही आज उदात्त अंतकरणाने केलेलं कार्य समजात तुमच्याबद्दल आदर वाढविल. अर्थार्जनासाठी समोरून संधी चालून येतील परंतु तयारी इष्टानिष्ट काय ते विचारकरूनच त्या व्यवहारात पाऊल टाका. मित्रमंडळीसमवेत तुम्हाला खूप धमाल करायला मिळेल.
स्त्रीयांसाठी : वाहन चालविताना खूप काळजी घ्या.
वृषभ : तीर्थ क्षेत्राची वारी घडून येईल . धार्मिकता अधिक वृद्धिंगत होईल. पत्रकार वकील किंवा तत्सम लोकांसाठी आजचा दिवस खूप महत्वपूर्ण आहे. आपली कोर्ट दरबारी सुरु असलेली लढाई अंतिम चरणात येईल. क्रीडा क्षेत्रातील लोकांना आजचा दिवस लौकिक वाढवणारा आहे. सामाजिक तसेच कौटुंबिक स्नेह टिकवणे हि तुमच्या जोवनसाठी अत्यन्त महत्वाची बाब आहे. शेती करणे किंवा वृक्षाची लागवड करणे यासारखे विषय मनाला आनंददायी ठरतील.
स्त्रीयांसाठी : कीर्तीचा आलेख वाढेल.
मिथुन : आजचा दिवस अत्यंत सौख्याचा आहे. तुम्ही नवा कीर्तिमान स्थापित करू शकाल. जमिनीच्या खरेदीचे व्यवहार होऊ शकतील. कौटुंबिक जीवनात थोडीशी अस्वस्थता जाणवेल , आपण स्वीकारलेल्या उद्योग व्यवसायास एका पातळीवर नेण्यासाठी केलेल्या प्रयत्नास यश मिळेल. तुमची दगदग आणि अत्यंत व्यस्त वेळापत्रकात देखील आपले आरोग्य चांगले असेल. जुने येणे बाकी असंल्यास त्याबाबतीत आज सफलता प्राप्त होऊ शकेल. मात्र त्यासाठी प्रयत्न देखील करायलाच हवेत.
स्त्रीयांसाठी : मनाला समाधान मिळून आत्मविश्वास देखील वाढेल.
कर्क : आपल्याविषयी समाजात आदर निर्माण होईल . घरच्या मंडळींकडून दिलेल्या धोरणात्मक कार्यक्रमास समर्थपणे चालना द्याल , परदेशगमनासाठी प्रयत्नशील असाल तर आज त्यासंबंधीचे व्यवहार प्रगतीपथावर रहातील. तुम्ही करीत असलेली स्थावर जंगम मालमत्ता गुंतवणूक लाभदायी ठरेल. परदेशस्थ नातेवाईकांकडून मिळालेल्या भेटवस्तूमुळे तुम्हाला आनंद मिळेल. अध्यात्मिक गुरु अथवा वडीलधा-यांकडून मार्गदर्शन लाभेल.
स्त्रीयांसाठी : आज तुमच्या जीवनातील मोठ्या निर्णयाचा दिवस आहे.
सिंह : अर्थार्जनासाठी आजचा दिवस अत्यन्त लाभदायक आहे. पारिवारिक स्नेहसंबंध अधिक घट्ट बनतील. कर्जाची परतफेड करण्यासाठी आवश्यक तेवढी आवक होईल. प्रयत्न केल्यास जुने येणे वसूल होण्याची शक्यता आहे. जवळच्या व्यक्तीच्या मध्यस्थीमुळे मनस्ताप वाढू शकेल. व्यापारात आज चांगला नफा मिळण्याची शक्यता आहे. आजच्या दिवशी तुम्ही आपल्या व्यवसायाला उच्च पातळीवर नेण्याचा प्रयत्न कराल.
स्त्रीयांसाठी : कुटुंबाच्या बाबतीत सर्व काही सुरळित असेल.
कन्या : आजचा सुचलेला विचार तुमच्या जीवनासाठी अत्यन्त महत्वाचा बदल घडवून आणणारा ठरेल. तुमचा मित्रपरिवार मदतगार ठरू शकेल . वितरण व्यवस्थेतील मंडळी वितरणाचा उत्तम अनुभव घेऊ शकतील. आज विशेषकरून रक्तदाबाच्या रुग्णांनी आपल्या आरोग्याबद्दल विशेष काळजी घेणे गरजेचे आहे. नवे नातेसंबंध दीर्घकाळ टिकणारे आणि चांगले लाभ मिळवून देणारे असतील.
स्त्रीयांसाठी: तुम्ही आणि तुमच्या जोडीदारामध्ये तणाव निर्माण होण्याची शक्यता आहे.
तुला : तुमचे मन आणि शरीर थकवा अनुभवातील. तुम्ही मांडलेल्या विचारास विरोध होण्याची शक्यता आहे, कर्जाची मागणी केली असल्यास ती सकारात्मक दृष्टीने एका महत्वपूर्ण टप्प्यापर्यंत मजल गाठू शकेल. कुणावरही अति विसंबून राहू नका. तुम्हास आज तुमच्या जवळची व्यक्ती महत्वपूर्ण सल्ला देऊ शकेल. त्याने दिलेला हा सल्ला जीवनाचा कायापालट करणारा असेल. घर शेती यांच्या वाटण्याचा विषय चर्चेला येऊ शकेल.
स्त्रीयांसाठी : झटपट पैसा कमावण्याची तुम्हाला इच्छा होईल.
वृश्चिक : आनंदीं जीवनात तुम्ही आज एका महत्वपूर्ण टप्याला ओलांडून पुढे जाणार आहेत. शिक्षण क्षेत्रातील मंडळींसाठी आत्मिक समाधान लाभण्याचा आजचा दिवस आहे. दानधर्म केल्याने मनाला आनंद प्राप्त होईल. कौटुंबिक जीवनात काही समस्या उदभवू शकतात. कौटुंबिक जबाबदा-यांकडे दुर्लक्ष करणे म्हणजे कुटुंबाच्या रागाला आमंत्रण देण्यासारखे आहे. भावनिक होऊन अनावश्यक मागण्यांसाठी झुकू नका.
स्त्रीयांसाठी : त्रयस्थ व्यक्ती तुमच्यात आणि तुमच्या जोडीदारामध्ये भांडण लावून द्यायचा प्रयत्न करेल,
धनु : आपण आपली बाजू सख्तपणे मांडाल. जनसामान्याचा विश्वास अधिक वृद्धिंगत होईल. तुमची कर्तव्ये – जबाबदाऱ्या समर्थपणे पेलवाल. कौटुंबिक जीवनात आनंदाचे वातावरण बनून राहील. धार्मिक कार्यक्रमाचे आयोजन कराल. ठामपणाने, धाडसी आणि जलद निर्णय घेऊन त्यांच्या सकारात्मक परिणामांचा निभाव घ्या. जीवनातील अडचणीच्या वेळी बचत केला पैसा तुमच्या कामी येईल म्हणून, आज पासूनच आपल्या पैश्याची बचत करण्याचा विचार करा.
स्त्रीयांसाठी : आजचा दिवस तुमच्यासाठी खूप उत्तम राहणार आहे.
मकर : इतरांना समजून घेण्यासाठी सहजता प्राप्त होईल. सामाजिक जीवनात आदर्श रहावा असे वर्तन आपणाकडून घडेल. दूरगामी परिणामाचा विचार करून घेतलेले निर्णय हे भविष्यासाठी अत्यंत दिलासादायक रहातील. अनुभवी किंवा तज्ज्ञ लोकांचा सहवास लाभेल. त्यांनी केलेले मार्गदर्शन तुमच्या भावी जीवनासाठी अनमोल असेल . पैश्याची कमतरता आज घरात कलहाचे कारण बनू शकते अश्या स्थितीमध्ये आपल्या घरातील लोकांसोबत विचारपूर्वक बोला आणि त्यांचा सल्ला घ्या.
स्त्रीयांसाठी : भूतकाळ बाजूला सारून उज्ज्वल आणि आनंदी भविष्याकडे लक्ष असू द्या.
कुंभ : वैचारिक दिवाळखोरी वाढू नये अथवा आपल्या प्रतिमेला हानी पोहोचू नये याची काळजी घेणे आवश्यक आहे. गुप्त विकारांनी त्रस्त व्हाल. आर्थिक उत्पन्न वाढीसाठी व्यवहारातील तुमचा दृष्टीकोन तुम्हाला फायदा मिळवून देईल. तुमची कामाची पद्धत इतरांना हेवा वाटेल अशी असेल. स्वतःहून केलेले प्रयोग यशस्वी होतील. तुमचे क्षितीज व्यापक बनेल – तुमचे व्यक्तिमत्व वृद्धिंगत होईल आणि तुमचे मन सुखावेल.
स्त्रीयांसाठी :जीवनाच्या गाडीला चांगल्या प्रकारे चालवण्याची इच्छा आहे तर, आज तुम्हाला पैश्याच्या बाबतीत विशेष काळजी घ्यावी लागेल.
मीन: चांगल्या मित्रांचा सहवास लाभेल. वैवाहिक जीवनात सौख्य लाभेल. तुमचे साथीदार तुम्हाला उत्तमप्रकारे साथ देतील. विवाह इच्छूकांचे विवाह ठरतील. भागीदार मंडळी फायदा वाढविण्यासाठी उत्तम विचार मांडतील. असे विचारावर आपण देखील सकारात्मक असावे. कोणत्याहि प्रसंगाला सामोरे जाताना जास्त हळवेपणा कामाचा नाही. आज अनुभवी आणि नावीन्यपूर्ण कल्पना असलेल्या लोकांच्या सल्ल्यानुसार पैसे गुंतवा. विद्यार्थी-विद्यार्थिनींना अभ्यासाकडे लक्ष देणे आवश्यक आहे.
स्त्रीयांसाठी : व्यवहारात पारदर्शकता ठेवा.
हे ही वाचा:
Bigg Boss 16, शालीन भानोतने केली टीनावर शिवीगाळ, व्हिडीओ तुफान व्हायरल
makarsankranti 2023, अशी करा भोगीची “स्पेशल” भाजी
