उन्हाळा सुरू झाला की उष्ण वातावरणात शरीराला थंडावा मिळावा म्हणून आपण अनेकदा थंड पेय, गार पाणी सर्रास पितो. पण काही जणांना बारा ही महिने थंड पाणी पिण्याची वाईट सवय असते. वाईट यासाठी की सतत थंड पाणी प्यायल्याने पचनक्रियेवर त्याचा झपाट्याने दुष्परिणाम परिणाम होतो. फ्रीज मधील थंड पाणी प्यायल्यामुळे आपल्याला तात्पुरता आराम मिळतो पण तुम्ही नियमितपणे थंड पाणी प्यायल्यास अन्न पचण्यास त्रास होतो आणि पोटदुखी, मळमळ यासारख्या अनेक समस्या उद्भवू शकतात.
१. आपल्या शरीराला दिवसभर ऊर्जेची गरज असते जी फ्रीज मधील थंड पाणी पिण्यामुळे कमी होत जाते. यामुळे आपली पचन क्रिया सुद्धा मंदावते. सतत थंड पाणी प्यायल्यामुळे आपल्याला घशाचे आजार होऊ शकतात. सतत थंड पाणी पिण्याने आपल्या गळ्यात म्यूकोसा तयार होतो आणि ज्यामुळे आपल्याला सर्दी, कफ, खोकला या सारखे आजर होतात. सततच्या थंड पाण्याच्या सेवनाने आपल्याला हृदया संबंधी चे आजार देखील होऊ शकतात.
२. थंड पाणी पिण्याने आपल्याला मुळव्याध सारख्या समस्येला सामोरे जावे लागू शकते. आणि ते तुमच्यासाठी खूप वेदनादायक ठरू शकते. त्यामुळे फ्रीजमधील पाणी पिणे टाळा. त्या ऐवजी गरम पाणी पिण्यास सुरुवात करा त्यामुळे तुम्हाला अनेक फायदे होतील.
३. थंड पाणी पिण्याने आपली पचन क्रिया कमजोर होते आणि थंड पाणी पिण्याने शरीरात श्लेष्मा जमा होते ज्यामुळे रोगप्रतिकार शक्ती कमजोर होते आणि आपल्याला सर्दी, खोकला होतो.
४. जास्त थंड पाणी प्यायल्याने डोक्यावर परिणाम होत असल्याचे अनेक अभ्यासामधून दिसून आले आहे. थंड पाणी ब्रेन फ्रीज समस्या निर्माण करू शकतो. थंड पाणी पाठीच्या हाडांवर परिणाम करते. यामुळे नर्वस सिस्टिमवरही परिणाम होतो.
५. सर्वात महत्वाचे म्हणजे वजन कमी करणाऱ्यांनी थंड पाणी पिऊ नये. सतत थंड पाणी पिण्याने फॅट बर्न होण्यामध्ये अडचण निर्माण होते. थंड पाणी शरीरातील फॅट मजबूत करण्यास मदत करते. त्यामुळे ते बर्न होऊ शकत नाही.
