आपण आपले आरोग्य सुरक्षित ठेवण्यासाठी अनेक उपाय करत असतो.अनेक प्रोडक्ट्स देखील वापरतो.मात्र आरोग्य निरोगी ठेवायचं असेल तर फळ खाणं देखील तितकच फायदेशीर असतात.तसचं त्यातल्या त्यात सगळ्यात फायदेशीर फळ म्हणजे सफरचंद हे आहे मात्र जर रोज नियमितपणे सफरचंद खाल्ल्याने आपल्या आरोग्याला अनेक फायदे होतात. अनेक पौष्टिक गुणधर्मांचा समावेश सफरचंदामध्ये आढळून येतो. अनेक जण लाल रंगाचे सफरचंद खातात आणि बहुतेक सर्वांना या लाल सफरचंदाबद्दल माहित आहे. लाल सफरचंदाप्रमाणेच हिरव्या सफरचंदाचे आपल्या आरोग्याला अनेक फायदे होऊ शकतात. हिरव्या रंगाच्या सफरचंदामध्ये मोठ्या प्रमाणात कॅल्शिअम, लोह, जीवनसत्वे, खनिजे आणि अँटीऑक्सिडंट्सचा समावेश असतो. त्यामुळे, हिरवे सफरचंद खाल्ल्याने आरोग्याला अनेक फायदे होतात.तर जाणून घेऊया कोणते फायदे आहेत.
हाडांना मिळते बळकटी
हिरव्या सफरचंदामुळे कमकुवत हाडांना बळकटी मिळते.हिरव्या सफरचंदामध्ये कॅल्शिअमचे भरपूर प्रमाण आढळून येते. हाडांच्या आरोग्यासाठी आणि मजबूतीसाठी कॅल्शिअम फायदेशीर आहे. त्यामुळे, या सफरचंदाचे नियमित सेवन करणे, फायद्याचे ठरते.महिलांच्या शरीरात एका ठराविक वयानंतर अशक्तपणा येतो, किंवा हाडे कमकुवत होऊ लागतात. अशा स्थितीमध्ये महिलांनी त्यांच्या आहारात हिरव्या सफरचंदाचा जरूर समावेश करावा.
हृदयासाठी फायदेशीर
हिरव्या सफरचंद हृदयासाठी फायदेशीर ठरतात. काही संशोधनांमध्ये असे आढळून आले आहे की, जे लोक नियमितपणे हिरव्या सफरचंदाचे सेवन करतात, त्या लोकांमध्ये हृदयविकाराची लक्षणे कमी प्रमाणात आढळून येतात. त्यामुळे, या सफरचंदाचे सेवन करणे हृदयाच्या आरोग्यासाठी फायदेशीर आहे.या शिवाय, हिरव्या सफरचंदाच्या सालीमध्ये मोठ्या प्रमाणात अँटीऑक्सिडंट्सचा समावेश असतो. ज्यामुळे,आपल्या शरीरातील रक्तदाब नियंत्रित राहण्यास मदत होते.
वजन कमी करण्यासाठी लाभदायी
हिरव्या सफरचंद खाल्याने वजन नियंत्रणात ठेवण्यास ही मदत होते.हिरव्या सफरचंदामध्ये मोठ्या प्रमाणात फायबर्स आणि पाणी आढळून येते. त्यामुळे, जेव्हा आपण या सफरचंदाचे सेवन करतो तेव्हा आपले पोट जास्त काळ भरलेले राहते. आपल्याला फार भूक लागत नाही. त्यामुळे, वजन नियंत्रित राहण्यास मदत होते.यासोबतच हिरव्या सफरचंदामध्ये फॅट्स बर्निंग करणारे घटक आढळून येतात. हे घटक आपल्या शरीरातील अतिरिक्त चरबी वितळवण्यास मदत करतात.
पचनक्षमता सुधारते
हिरव्या सफरचंदाचे नियमित सेवन केल्याने आपली पचनक्षमता सुधारते. कारण, या सफरचंदामध्ये असलेले फायबर्स पचनासाठी मदत करतात. यासोबतच हिरवे सफरचंद खाल्ल्याने आपल्या शरीरातील मेटॅबॉलिजम सुधारण्यास मदत होते. त्यामुळे, पोटाच्या अनेक समस्या दूर होतात.दरम्यान हे सगळे फायदे हिरवे सफरचंद खाण्याचे फायदे आहेत.
हे ही वाचा:
नाशिक दौऱ्यादरम्यान साल्हेर किल्ल्यावर मनोज जरांगेंसोबत घातपात
नाशिक दौऱ्यादरम्यान साल्हेर किल्ल्यावर मनोज जरांगेंसोबत घातपात
Follow Us
टाईम महाराष्ट्रचे अपडेट्स मिळवण्यासाठी आम्हाला फॉलो करा.
