Tuesday, April 16, 2024

Latest Posts

मुंबईत रंगणार ‘महाराष्ट्र भूषण’ पुरस्कार सोहळा, CM Shinde यांची विशेष उपस्थिती

राजकपूर जीवनगौरव पुरस्कार २०२० साठी अरुणा इराणी, २०२१ साठी मिथुन चक्रवर्ती आणि सन २०२२ साठी हेलन यांना जाहीर झाला आहे.

महाराष्ट्र शासनाकडून दिला जाणारा राज्याचा सर्वोच्च नागरी सन्मान असणारा पुरस्कार, २२ फेब्रुवारी रोजी वरळी येथील डोम, नॅशनल स्पोर्टस क्लब ऑफ इंडिया येथे गुरुवारी सायंकाळी ६.३० वाजता मुख्यमंत्री एकनाथ शिंदे यांच्या हस्ते प्रदान करण्यात येणार आहे. ज्येष्ठ अभिनेते अशोक सराफ यांना ‘महाराष्ट्र भूषण’ आणि ‘गानसम्राज्ञी लता मंगेशकर पुरस्कार’ ज्येष्ठ पार्श्वगायक सुरेश वाडकर यांना प्रदान करण्यात येणार आहे. याशिवाय, मराठी व हिंदी चित्रपटसृष्टीसाठी आपल्या कलेच्या माध्यमातून अनेक वर्ष योगदान देत रसिकांची व कलासृष्टीची सेवा करणाऱ्या ज्येष्ठ कलावंतांना दिला जाणारा राज कपूर जीवनगौरव आणि विशेष योगदान पुरस्कार, चित्रपती व्ही. शांताराम जीवनगौरव आणि विशेष योगदान पुरस्कारही यावेळी प्रदान करण्यात येणार आहेत.

५७ व्या राज्य चित्रपट पुरस्कार सोहळ्यात हे पुरस्कार मुख्यमंत्री एकनाथ शिंदे यांच्या हस्ते सन्मानपूर्वक प्रदान करण्यात करण्यात येतील. ज्येष्ठ अभिनेते अशोक सराफ यांना २०२३ साठीचा महाराष्ट्र भूषण पुरस्कार जाहीर झाला आहे. राजकपूर जीवनगौरव पुरस्कार २०२० साठी अरुणा इराणी, २०२१ साठी मिथुन चक्रवर्ती आणि सन २०२२ साठी हेलन यांना जाहीर झाला आहे. तर, राजकपूर विशेष योगदान पुरस्कार २०२० साठी दिग्दर्शक जे. पी. दत्ता, २०२१ साठी गायक सोनू निगम आणि सन २०२२ साठी विधू विनोद चोप्रा यांना जाहीर झाला आहे. या समारंभात त्यांना सन्मानपूर्वक हे पुरस्कार प्रदान केले जाणार आहेत.

ज्येष्ठ कलावंतांना दिला जाणारा चित्रपती व्ही. शांताराम जीवनगौरव पुरस्कार २०२० साठी ख्यातनाम चित्रपट अभिनेते रविंद्र महाजनी (मरणोत्तर), २०२१ साठी ज्येष्ठ अभिनेत्री उषा चव्हाण आणि २०२२ साठी अभिनेत्री उषा नाईक यांना जाहीर झाला आहे. यासोबतच व्ही. शांताराम विशेष योगदान पुरस्कार २०२० साठी चित्रपट दिग्दर्शक गजेंद्र अहिरे, २०२१ साठी ज्येष्ठ पार्श्वगायक रवींद्र साठे आणि २०२२ साठी प्रसिद्ध चित्रपट अभिनेते-दिग्दर्शक नागराज मंजुळे यांना जाहीर झाला आहे. या राज्य चित्रपट पुरस्कार सोहळ्याच्या समारंभात हे पुरस्कार प्रदान केले जाणार आहेत. या पुरस्कार सोहळ्यासाठी उपस्थित राहण्याचे आवाहन मुख्यमंत्र्यांचे प्रधान सचिव तथा सांस्कृतिक कार्य विभागाचे प्रधान सचिव विकास खारगे, महाराष्ट्र राज्य चित्रपट, रंगभूमी व सांस्कृतिक विकास महामंडळाचे व्यवस्थापकीय संचालक डॉ.अविनाश ढाकणे आणि सांस्कृतिक कार्य संचालक बिभीषण चवरे यांनी केले आहे. या समारंभात केंद्रीय वाणिज्य मंत्री पीयूष गोयल, उपमुख्यमंत्री देवेंद्र फडणवीस व उपमुख्यमंत्री अजित पवार हे प्रमुख अतिथी म्हणून उपस्थित राहणार आहेत. तर, विधानसभा अध्यक्ष ॲड. राहुल नार्वेकर, विधानपरिषद उपसभापती डॉ. नीलम गोऱ्हे, सांस्कृतिक कार्य मंत्री सुधीर मुनगंटीवार, शालेय शिक्षण मंत्री तथा मुंबई शहर पालकमंत्री दीपक केसरकर, कौशल्य, रोजगार, उद्योजकता व नावीन्यता मंत्री तथा मुंबई शहर उपनगर पालकमंत्री मंगलप्रभात लोढा यांची प्रमुख उपस्थिती असणार आहे. या कार्यक्रमास स्थानिक लोकप्रतिनिधीही उपस्थित राहणार आहेत.

हे ही वाचा: 

महानंदच्या दूधावरून राजकारण पेटलं!, जितेंद्र आव्हाड संतापून म्हणाले…

बिग बॉस १६ चे स्पर्धक शिव ठाकरे आणि अब्दु रोजिकला ईडीकडून समन्स,नेमकं प्रकरण काय ?

Follow Us

टाईम महाराष्ट्रचे अपडेट्स मिळवण्यासाठी आम्हाला फॉलो करा.

Latest Posts

Don't Miss