जम्मू-काश्मीरमधील चिनाब नदीवरील सर्वात उंच पुलाचे काम पूर्ण झाले आहे. ज्याचा फोटो सध्या सोशल मीडियावर व्हायरल होत आहेत. हे फोटो दिसायला कोणत्याही आश्चर्यापेक्षा कमी नाहीत.
चिनाब नदीवर पूल बांधणे हे आव्हानात्मक काम होते. हा प्रकल्प पूर्ण होण्यासाठी जवळपास १८ वर्षे लागली असून पुलाचे काम आता अंतिम टप्प्यात आले आहे.
१११ किमी लांबीचा नवीन रेल्वे मार्ग तयार करण्यासाठी आधी रेल्वेने २०५ किमी लांबीचा रस्ता तयार केला. तसेच या भागात जाण्यासाठी २६ किलोमीटरची लाईनदेखील टाकण्यात आली आहे.
सुरुवातीला या भागात जाण्यासाठी अनेक पूल आणि बोगदे बांधावे लागले होते आणि त्यानंतरच चिनाब पुलाचे काम सुरू झाले होते. खाली जमा झालेले ढग आणि वरचा पूल असे दिसणारे हे दृश्य लोकांना मोहून टाकत आहे. .
