भारतीय संघाचा स्टार सलामीवीर फलंदाज मुरली विजयने सर्व प्रकारच्या क्रिकेटला अलविदा म्हटले आहे. त्यांनी स्वतः ट्विट करून याबाबत माहिती दिली. विजयने २०१८ मध्ये भारतीय संघासाठी शेवटचा आंतरराष्ट्रीय सामना खेळला होता. विजयला संघात स्थान मिळवण्यात सातत्याने अपयश येत होते आणि आता अशा परिस्थितीत त्याने क्रिकेटला अलविदा म्हणण्याचा निर्णय घेतला आहे. ३८ वर्षीय मुरली विजय भारताकडून तिन्ही फॉरमॅट खेळला आहे. २००८ मध्ये त्याने आंतरराष्ट्रीय क्रिकेटमध्ये पदार्पण केले.
विजयने त्याच्या निवृत्तीबद्दल ट्विट केले आणि लिहिले, “आज मी कृतज्ञता आणि नम्रतेने सर्व प्रकारच्या क्रिकेटमधून माझी निवृत्ती जाहीर करतो. २००२ ते २०१८ हा माझा प्रवास माझ्या आयुष्यातील सर्वात आश्चर्यकारक वर्षे आहेत कारण खेळाच्या सर्वोच्च स्तरावर भारताचे प्रतिनिधित्व करणे हा एक सन्मान होता. त्याने पुढे लिहिले की, “मला ही संधी दिल्याबद्दल मी बीसीसीआय, तामिळनाडू क्रिकेट असोसिएशन, चेन्नई सुपर किंग्ज आणि चेमप्लास्ट सनमार यांचा आभारी आहे. माझे सर्व सहकारी, प्रशिक्षक मार्गदर्शक आणि सपोर्ट स्टाफ, तुम्हा सर्वांसोबत खेळणे हा एक विशेषाधिकार होता आणि मी तुम्हा सर्वांचा आभारी आहे.
मुरली विजयने पुढे लिहिले की, “मी हे जाहीर करताना आनंदी आहे की मी क्रिकेटच्या जगामध्ये आणि त्याच्या व्यवसायाच्या बाजूने नवीन संधी शोधत आहे, जिथे मी माझ्या आवडीच्या खेळात आणि नवीन आणि वेगळ्या वातावरणात भाग घेत राहीन. मी स्वतःला आव्हान देईन. मला विश्वास आहे की एक क्रिकेटर म्हणून माझ्या प्रवासातील ही पुढची पायरी आहे आणि मी माझ्या आयुष्यातील या नवीन अध्यायाची वाट पाहत आहे.
@BCCI @TNCACricket @IPL @ChennaiIPL pic.twitter.com/ri8CCPzzWK
— Murali Vijay (@mvj888) January 30, 2023
मुरली विजय भारतीय संघासाठी तिन्ही फॉरमॅट खेळला आहे. त्याने टीम इंडियासाठी ६१ कसोटी सामन्यांच्या १०५ डावांमध्ये ३८.२८ च्या सरासरीने ३९८२ धावा केल्या आहेत. यामध्ये त्याने १२ शतके आणि १५ अर्धशतके झळकावली आहेत. याशिवाय त्याने १७ एकदिवसीय सामन्यांच्या १६ डावांमध्ये २१.१८ च्या सरासरीने ३३९ धावा केल्या आहेत. यामध्ये त्याने ९ अर्धशतक झळकावले आहे. टी-२० आंतरराष्ट्रीय सामने खेळताना त्याने १८.७७ च्या सरासरीने आणि १०९.७४ च्या स्ट्राइक रेटने एकूण १६९ धावा केल्या आहेत.
हे ही वाचा:
मराठ्यांची विजयगाथा सांगणारा ‘बलोच’ ५ मे रोजी होणार प्रदर्शित
पठाणनंतर शाहरुख खान पुन्हा करणार धमाका, ‘या’ तारखेला प्रदर्शित होणार जवान