सध्या हवामानात अनेक बदल हे होतच असतात. तसेच अनेक मुली त्याचबरोबर महिलावर्ग बाहेर कामानिमित्त फिरत असतात अश्यावेळी प्रत्येकाच्या चेहऱ्यावर धूळ बसते. तसेच आपण चेहर्या धुतलकी धूळ साफ देखील होते. परंतु आपल्या चेहऱ्यावरील छिद्रांमध्ये घाण ही साचते. आणि चेहऱ्यावर ब्लॅकहेड्स (Blackheads) तयार होतात. यामुळे आपल्या चेहऱ्याचे सौंदर्य बिघडवण्याचे काम ब्लॅकहेड्स करतात. तसेच हि घाण सहजासहजी बाहेर पडत नाही. आपल्या चेहऱ्यावर अनेक काळे ठिपके येतात. तसेच ब्लॅकहेड्स मुख्यत: नाकावर, हनुवटीच्या जवळ किंवा कधीकधी गालावर देखील तयार होतात. त्यामुळे चेहऱ्यावरील ब्लॅकहेड्स वेळोवेळी काढून टाकणे आवश्यक आहे. ते काढताना काही खबरदारी घेणे देखील आवश्यक आहे, अन्यथा संपूर्ण त्वचा खराब होऊ शकते. ब्लॅकहेड्स दूर करताना कोणत्या गोष्टी लक्षात ठेवाव्यात, हे जाणून घेऊया.
नखांचा वापर करु नका – सर्वात प्रथम म्हणजे चेहऱ्यावरील ब्लॅकहेड्स काढताना तुम्ही कधीही नखं (Nails) वापरू नका. चेहऱ्यावरील ब्लॅकहेड्सची मुळे (Roots) ही आत खोलवर असतात. अशा परिस्थितीत जेव्हा तुम्ही त्यांना नखांनी काढण्याचा प्रयत्न करता तेव्हा चेहऱ्यावर मुरुम (Pimples) येण्याचा धोका असतो. काहीवेळा नखांनी ब्लॅकहेड्स काढताना जखमा देखील होऊ शकतात. त्यामुळे चेहऱ्यावर डाग (Dark Spots) पडतात.
ब्लॅकहेड्स काढण्यासाठी योग्य वापर – ब्लॅकहेड्स काढून टाकल्यानंतर, काही लोक ते न धुता ठेवतात आणि नंतर ते अशा प्रकारे वापरतात. त्यामुळे त्वचेवर पिंपल्स किंवा इतर समस्या येऊ शकतात. म्हणून, जेव्हाही तुम्ही मेटल ब्लॅकहेड्स वापरता तेव्हा त्यांना कॉटन वाइपने पुसून पाण्याने धुवा.
खूप स्क्रब करू नका – ब्लॅकहेड्स काढताना मुली जास्त स्क्रब करायला लागतात. एका भागाला जास्त चोळल्याने पुरळ उठू शकते. यामुळे त्वचा कोरडी देखील होऊ शकते, त्यामुळे चिडचिड होऊ शकते. त्यामुळे कठोर स्क्रब वापरणे टाळा. हलक्या हातांनी फेस स्क्रब लावा, जास्त वापरल्याने त्वचेची ऍलर्जी देखील होऊ शकते.
तेलकट त्वचेतील ब्लॅकहेड्स कसे काढायचे – कोरड्या त्वचेच्या तुलनेत तेलकट त्वचेवरील ब्लॅकहेड्स काढणे खूप कठीण आहे. कारण चेहऱ्यावर अतिरिक्त तेल घाण चिकटते. नंतर ब्लॅकहेड्स बनतात. तेलकट त्वचेवर, छिद्रांवर अतिरिक्त सीबम जमा होतो. तेलकट त्वचेवरील ब्लॅकहेड्स काढण्यापूर्वी चेहरा पूर्णपणे स्वच्छ करा. जर त्वचा कोरडी असेल तर मॉइश्चरायझ करा आणि नंतर ब्लॅकहेड्स काढून टाका.
हे ही वाचा:
दिल्लीत नवीन संसद भवनाचे उद्घाटन, तर सामनातून मोदी सरकारवर घणाघाती टीका