माझी रास
मेष – आजच्या दिवशी घरात कोणत्याही प्रकारचे वादविवाद होणार नाहीत याची काळजी घ्या. घरातील सदस्यांशी सामंजस्याने वर्तन करा. अन्यथा घरातील वातावरण दूषित होऊन त्याचा मानसिक त्रास आपल्यालाच होऊ शकतो.
वृषभ – आजच्या दिवशी कोणतेही अवास्तव धाडस करण्याचा प्रयत्न कराल. मात्र त्यावर सर्व बाजूंनी विचार करणे आवश्यक राहील. घाई गडबडीत कोणताही निर्णय घेऊ नये.
मिथुन – आज कुटुंबीयांसमवेत जास्तीत जास्त वेळ घालवाल. मात्र आपल्या वाणीवर व रागावर नियंत्रण ठेवणे आवश्यक राहील. आपल्या बोलण्याने कुटुंबातील सदस्यांची नाराजगी ओढावणार नाही याची दक्षता घ्या.
कर्क – आजच्या दिवशी नावीन्यपूर्ण उत्साहाचा अनुभव घ्याल. काही नवीन गोष्टी करण्याकडे कल राहील. त्यात जोडीदाराचे मतही विचारात घ्या.
सिंह – आजच्या दिवशी काही अप्रिय घटना, गोष्टी यांना सामोरे जाऊ लागू शकते. अचानकपणे काही खर्च उद्भवतील. खर्चाचा योग्य ताळमेळ आज बांधावा लागेल.
कन्या – आज काही लाभाची, सौख्याची प्राप्ती संभवते. अपेक्षेपेक्षा कमी लाभ मिळतील. मात्र निराश न होता, आहे त्यात समाधान मानणे योग्य असेल. संततीकडे लक्ष द्यावे लागेल.
तुळ – आज प्रामाणिकपणे आपले नियोजित काम पूर्ण करण्याकडे लक्ष असू द्या. उद्योग व्यवसायात काही अडचणींचा सामना करावा लागू शकतो.
वृश्चिक – आजच्या दिवशी भाग्याची, सौख्याची प्राप्ती होईल. त्यामुळे उत्साह वाढेल. काही दूरचे प्रवास संभवतात. मात्र प्रवासात योग्य काळजी घेणे आवश्यक राहील.
धनु – आजच्या दिवशी काही अडचणींचा सामना करावा लागू शकतो. कुटुंबात काही वादविवाद सारखे प्रसंग उभे राहू शकतात. सामंजस्याने प्रश्न सोडवा.
मकर – आज जोडीदाराशी स्नेहाचे, सामंजस्याचे, सलोख्याचे संबंध प्रस्थापित करण्याचा प्रयत्न करा. जोडीदाराच्या भावना, त्याची मते यांचा आदर करा.
कुंभ – आजच्या दिवशी काहीसे प्रकृती अस्वास्थ्य जाणवेल. आरोग्याकडे लक्ष द्यावे लागेल. नोकरीच्या ठिकाणी मनस्तापासारखे प्रसंग उद्भवू शकतात.
मीन – आजच्या दिवशी संततीच्या काही समस्या जाणवु शकतील. संततीला वेळ देणे आवश्यक असेल. त्यांचे शिक्षण, आरोग्य, करियर, स्वप्ने याविषयी त्यांच्याशी चर्चा करा.