लग्नाचा कार्यक्रम असो, वाढदिवसाचा कार्यक्रम असो की गावचा तमाशा, खासगी बैठका असो की अन्य कोणतेही सांस्कृतिक कार्यक्रम असो नृत्यांगना गौतमी पाटील हिच्या कार्यक्रमाची चलती आता सगळ्याच ठिकाणी बघायला मिळत आहे.आता गौतमी इतकी famous झाली आहे की , तिचे नृत्य ठेवल्याशिवाय गावचा एकही कार्यक्रम होत नाही. गौतमी आणि गर्दी हे ठरलेलं समीकरण आहे. गौतमी जिथे जातं तिथे गर्दी होतेच होते. गौतमीच्या कार्यक्रमात बसायला जागा नसते म्हणून कुणी झाडावर जाऊन बसतो तर कुणी घराच्या छतावर जाऊन बसतात. गौतमीच्या कार्यक्रमात इतकी गर्दी असते की पोलिसांना जमावावर लाठीमार करावा लागतो. गौतमीही कोणताही कार्यक्रम नाकारत नाही. मग वाढदिवसाचा कार्यक्रम असो की सार्वजनिक कार्यक्रम.
हळदीच्या कार्यक्रमानिमित्त एक कार्यक्रम पुण्यातील मुळशीत ठेवला होता. मुळशीत विवाहच्या हळदी कार्यक्रमानिमित्त नृत्यांगना गौतमी पाटीलच्या नृत्याचा कार्यक्रम आयोजित केला होता. त्यावेळी चक्क गौतमी बैलासमोर नाचली. बावऱ्या नावाच्या बैलासमोर गौतमी लचकत, मुरडत नाचली. हा व्हिडिओ सहल मीडियावर चांगलाच तुफान व्हायरल होत आहे. सुशील हगवणे युवा मंचाने गौतमीच्या कार्यक्रमासाठी भला मोठा स्टेज बांधला होता. प्रचंड मोठ्या आणि मोकळ्या मैदानात हा स्टेज बांधला होता. या मैदानात लोकांची प्रचंड गर्दी होईल असा अंदाज होता. पण प्रत्यक्षात घडलं उलटंच . त्या कार्यक्रमाला एकही माणूस उपस्थित नव्हता. गौतमी पाटील आली, नाचली पण तिच्यासमोर एकही माणूस प्रेक्षक म्हणून नव्हता असं पहिल्यांदाच घडलं. त्यामुळे सर्वांना आश्चर्य वाटलं.मात्र, गौतमीचा कार्यक्रम पाहण्यासाठी एकमेव रांगड्या होता आणि तो म्हणजे बावऱ्या.
पुणे (मुळशी) : गावाची शान अन् जान असलेल्या ‘बावऱ्या’ बैलासमोर लचकत, मुरडत नाचली गौतमी पाटील, Video तुफान व्हायरल pic.twitter.com/tuzYXNMcRW
— Maharashtra Times (@mataonline) April 28, 2023
बावऱ्या हा कोणी पुरुष वगैरे नाही तर गावचा पाटील नाही की गावचा सरपंच नाही. ना आमदार, ना खासदार. तर तो होता चक्क एक बैल. या बावऱ्या बैलासमोर गौतमीने आपल्या लवाजम्यासह नृत्य केलं. तब्बल तास दोन तास गौतमीने या बैलासमोर आपली अदाकारी पेश केली. समोर प्रेक्षक नसतानाही गौतमी आणि तिचे सहकलाकार तितक्याच जोशात आणि जल्लोषात नृत्य करत होते. बावऱ्या बैल हा शर्यतीचा बैल आहे. या बावऱ्याने अनेक शर्यती गाजवल्या आहेत. गावचा सर्वात लाडका हा बैल आहे. मानाचा बैल म्हणून त्याच्याकडे पाहिलं जातं. सर्वच गावकरी या बैलाची राखण करतात. त्याची देखभाल करतात. गावची शान असलेल्या या बैलाला पाहण्यासाठी पंचक्रोशीतून अनेक लोक येत असतात. त्यामुळे हा बैल नेहमीच चर्चेत असतो. त्यामुळेच या बावऱ्या बैलासाठी थेट गौतमी पाटील हिच्या नृत्याचा कार्यक्रम ठेवण्यात आला होता.
