काल दिनांक २६ एप्रिल रोजी लोकमत पुरस्कार हा कार्यक्रम आयोजित करण्यात आला होता. या कार्यक्रमात राज ठाकरे यांची मुलाखत ही घेण्यात आली होती. आणि या कार्यक्रमात महाराष्ट्राचे उपमुख्यमंत्री देवेंद्र फडणवीस यांच्या पत्नी अमृता फडणवीस यांच्यासोबत राष्ट्रवादीचे खासदार अमोल कोल्हे यांनी अँकर म्हणून भूमिका पार पाडली आहे. अमृता फडणवीस यांनी यावेळी राज ठाकरे यांना अनेक प्रश्न हे विचारले आहेत. तर यावर राज ठाकरे यांनी देखील अनेक मोलाचे संदेश हे दिले आहेत.
अमृताने राज ठाकरेंना एक अनोखा प्रश्न विचारला, शिवसेनेचे नेतृत्व राज ठाकरेंच्या हातात असते तर अशी दुर्दशा झाली नसती का? ज्याला उत्तर देताना राज ठाकरे म्हणाले, मी जुन्या सर्व गोष्टी विसरलो आहे. तुमचा विचारलेला प्रश्न काल्पनिक आहे, आता मी काय उत्तर देऊ. ते पुढे म्हणाले की, आता माझा स्वतःचा पक्ष आहे आणि मी त्यादृष्टीने पुढे जात आहे. अमृताच्या प्रश्नावर राज ठाकरेंनी सर्व दिग्गज नेत्यांना सल्ल्याच्या दृष्टिकोनातून एका शब्दात उत्तर दिले…
एकनाथ शिंदेंसाठी एका शब्दात म्हणाले – सावध राहा
सल्ला देत उद्धव ठाकरेंसाठी म्हणाले – स्व भूमी
आदित्य ठाकरेंसाठी म्हणाले – स्व भूमीचा सल्ला देत
अजित पवारांसाठी म्हणाले – काकांकडेही लक्ष द्या
राज ठाकरे देवेंद्र फडणवीसांसाठी म्हणाले – नाते जपा
या मुलाखतीदरम्यान अमृताने आणखी एक प्रश्न विचारला, तुम्ही कधी राष्ट्रवादीच्या, कधी शिवसेना, कधी भाजपच्या जवळ जाता. आम्ही एकत्र आहोत, हे कधी होणार? त्यावर उत्तर देताना राज ठाकरे अमृता यांना म्हणाले, तुम्ही देवेंद्रजी पत्नी म्हणून मुलाखत घेत नाही, म्हणून मी म्हणतो की आजकाल उपमुख्यमंत्री कधी शिंदे यांच्यासोबत तर कधी अजित पवार यांच्यासोबत आहे हे समजत नाही.
दुसरीकडे, पुलवामावर विचारण्यात आलेल्या प्रश्नावर राज ठाकरे म्हणाले की, सत्यपाल मलिक ते बोलत आहेत जे मी ४ वर्षांपूर्वी बोललो होतो. मी बोललो तेव्हा लोक माझ्यावर हसत होते. आज तत्कालीन राज्यपाल सत्यपाल मलिक बोलत आहेत, त्यामुळे ही गंभीर बाब आहे.
हे ही वाचा :
अजित पवार यांच्या विषयावर संजय शिरसाट यांनी शिंदे गटाची भूमिका मांडली
मुंबईत उघडलेल्या पहिल्या अॅपलच्या स्टोअरचे नाव Apple BKC
मुंबईच्या धर्तीवर ठाण्यातही उभारणार रोहिदास भवन
