मराठी आणि हिंदी सिनेसृष्टीत खाष्ट सासू म्हणून आपल्या अभिनयाची वेगळी छाप उमटवणाऱ्या ज्येष्ठ अभिनेत्री उषा नाडकर्णी या नेहमीच कोणत्या ना कोणत्या कारणांमुळे चर्चेत असतात. माहेरची साडी या प्रसिद्ध मराठी चित्रपटामुळे त्या घराघरात प्रसिद्ध झाल्या. पुढे पवित्र रिश्ता या मालिकेमार्फत देखील त्यांनी प्रत्येकाच्या मनात घर निर्माण केले. नुकतंच त्या झी मराठीवरील बस बाई बस या कार्यक्रमात सहभागी झाल्या होत्या. यावेळी त्यांनी विविध विषयांवर भाष्य केले.
झी मराठी या मराठी वाहिनीवरील ‘बस बाई बस’ हा कार्यक्रम सध्या घराघरात लोकप्रिय झाला आहे. या कार्यक्रमाची सर्वत्र चर्चा सुरु आहे. फक्त सिनेसृष्टीत नव्हे तर राजकीय पातळीवरही हा कार्यक्रम चर्चेत असल्याचे पाहायला मिळत आहे. या कार्यक्रमात अभिनेत्री उषा नाडकर्णी देखील आपल्याला दिसून येणार आहेत. या कार्यक्रमादरम्यान उषा नाडकर्णी यांना त्यांच्या सिनेसृष्टीतील कारकिर्दीबद्दल विचारण्यात आले. यावेळी त्यांनी मला चांगल्या भूमिका साकारता आल्या नाही, अशी खंत व्यक्त केली.
तुझ्या अभिनयाला वाव देणारी भूमिका आजवर कधी मिळाली नाही असं तुला वाटतं का? असा प्रश्न सुबोध भावेने उषा नाडकर्णींना विचारला. त्यावर उषा नाडकर्णींनी हो असे उत्तर दिले. त्यावर सुबोधने हे उत्तर मला अपेक्षित होतं, असे सांगितले. त्यावर पुढे सुबोधने असे का वाटतं असं विचारल्यावर त्या म्हणाल्या, “कितीतरी चांगले चांगले रोल होते. आई रिटायर होते यामधली भूमिका, संतू रंगीली या गुजराती नाटकात मनसूख म्हणून होते. त्यांचा मुलगा राजीव जोशी याने आमचं पवित्र रिश्ता लिहिलं. “त्यावेळी त्यांनी मला संतू रंगीली या नाटक पाहायला ये असे सांगितले आणि ते मला घेऊन गेले. त्यावेळी त्यांनी आपण मराठीत हे नाटक करणार आहोत, तेव्हा ते तू करशील असे सांगितले होते. असे एक नाही खूप रोल आहेत. त्या भूमिकेतील लोकांनी जे केले त्यापेक्षा मी माझ्या पद्धतीने ते वेगळ्या पद्धतीने केले असते”, असे त्यांनी सांगितले.
एक बिनधास्त्र, मोकळ्या मनाची आणि स्पष्टवक्ती अभिनेत्री अशी अभिनेत्री उषा नाडकर्णी यांची ओळख आहे. चार दशकांहून अधिक काळ त्यांनी मराठी, हिंदीत वेगवेगळ्या भूमिका वठवल्या आहेत. झी मराठी वरील बस बाई बस या कार्यक्रमात आतापर्यंत अनेक कलाकारासह राजकीय क्षेत्रातील आघाडीच्या महिला नेत्यांनी हजेरी लावली आहे. अमृता फडणवीस, पंकजा मुंडे, सुप्रिया सुळे, किशोरी पेडणेकर या राजकीय क्षेत्रातील आघाडीच्या महिला या कार्यक्रमात सहभागी झाल्या होत्या. त्यासह अमृता खानविलकर, मेधा मांजरेकर, हृता दुर्गुळे, सई ताम्हणकर यांनी देखील कार्यक्रमात हजेरी लावली होती.
हे ही वाचा:
सांगलीत मनपा स्थायी सभापतीपदी निवडणुकीत भाजपचा विजय तर, काँग्रेसच्या पदरी अपयश
रेल्वेने शेअर केली ‘स्वर्गाहुनही सुंदर’ चिनाब पुलाची ही मनमोहक छायाचित्रे
